السيسي لـ أحد الأطفال: أوعى تبطل حلم.. ولما كنت بشوف مناطق صعبة كنت بقول لو إيدي طالت هعمل
علق الرئيس عبد الفتاح السيسي رئيس الجمهورية، على مداخلة أحد الأطفال من مبادرة جيل جديد، على هامش حفل إفطار الأسرة المصرية بالأسمرات.
وكان طفل يدعى يوسف عبد الله قال: أنا طالب من طلاب مبادرة جيل جديد، ونشكر سيادتك على مبادرة جيل جديد، وتعلمنا حاجات كتير، بالإضافة إلى الإنجازات اللي في البلد، في المبادرة كلمونا عن الشهداء وعرفنا إن الشهداء هما الناس اللي بتضحي عشان نعيش.. وأنا قلت للضباط أنا لما أكبر نفسي أكون زيكم.. شكرا ليك يا ريس أنت اللي خليتنا نحلم ونصدق حلمنا.
وقال الرئيس: لازم يا يوسف تصدق حلمك، وأنا أكبر منك شوية كنت لما بمشي وأشوف مناطق صعبة وأنا قلت الكلام دا قبل كده وأنا إنسان عادي زيك كده، فكنت بقول لو إيدي طالت هعمل.
حفل إفطار الأسرة المصرية
وأضاف الرئيس عبد الفتاح السيسي، خلال حوار مفتوح مع المواطنين بالأسمرات: كان حلم.. وربنا أراد ونحن في جزء من الحلم.. والحلم لسة مخلصش.. وإن شاء الله أشوفكم في أحسن حالة مش بس هنا ولكن في جميع مصر.
وأكمل: أوعى تبطل حلم.. وربنا موجود وتحلم ويحققلك حلمك.. وربنا بيساعدك عشان هو صاحب الملك كله.. وإن شاء الله مجبور الخاطر.
وكان الرئيس السيسي، تفقد على هامش حفل إفطار الأسرة المصرية بحي الأسمرات، معرض الأسرة المنتجة بالأسمرات وقال: طمنوني على أحوالكم في المساكن الجديدة.
وفي سياق آخر، كانت الجريدة الرسمية نشرت في عددها رقم 14 بتاريخ 6 أبريل 2023 قرار رئيس الجمهورية بخصوص الموافقة على منحة قيمتها 3 ملايين يورو؛ لتنمية العشوائيات ودعم التوظيف.
وتضمن القرار الرئاسي رقم 632 لسنة 2022 الموافقة على التعديل الثالث لاتفاق التمويل بين جمهورية مصر العربية والوكالة الفرنسية للتنمية بشأن برنامج تنمية المناطق العشوائية ودعم التوظيف الموقع في 10 أكتوبر2022 بهدف تقديم منحة إضافية لا تتعدى قيمتها 3 ملايين يورو.
