مي كساب: رد فعل الجمهور على جعفر العمدة فاق التوقعات.. وإحنا بنشتغل عشان نبسط الناس
تحدثت الفنانة مي كساب عن كواليس مسلسل جعفر العمدة، الذي تنافسه به في موسم دراما رمضان 2023، مع الفنان محمد رمضان، ولعبت دور ثريا، وهي الزوجة الأولى لجعفر العمدة الشخصية التي يلعبها محمد رمضان.
وقالت مي كساب خلال تصريحات إذاعية: الثقة الكبيرة في الكيميا بين محمد رمضان وسامي كانت مخليانا احنا داخلين وعارفين هنعمل إيه لأننا عارفين لما بيجتمعوا بيعملوا إيه.. والورق بيتكلم عن نفسه وفيه تصاعد كل حلقة ودخلنا بروح حلوة وعارفين هنعمل حاجة كويسة.
وأضافت مي: استقبال الناس لينا فاق كل توقعاتنا وحاجة بسطتنا وفي الآخر إحنا بنشتغل عشان نبسط الجمهور.. وكنت متفقة مع محمد سامي إن السرقة بتتعمل بضحك.. لأنها لو متعملتش بضحك الناس هتكرهني.. لأن الموضوع مرضي.. شخصية ثريا مش ناقصها حاجة.. فكنت طول الوقت حابه إني أعملها بضحك.
مي كساب: تفاعل الجمهور معي في الشارع الكبير محصلش غير في تامر وشوقية وجعفر العمدة
أما عن تفاعل الجمهور مع مي كساب في الشارع، أردفت: قولت لـ محمد سامي ده حصلي مرتين.. الأولى في تامر وشوقية والتانية دلوقتي.. الجمهور متفاعل معايا في الشارع مصدقين إن أنا ثريا وبيجروا ورايا بالعربيات ولو مشيت خطوتين بيتلموا عليّا.. جماهير محمد رمضان ساحق.
واختتمت مي كساب حديثها، قائلة: الأدوار كلها حلوة سواء رئيسية أو فرعية في مسلسل جعفر العمدة.. الحلقات الجاية فيها مفاجآت جامدة وشوقي كمان لما يخرج من السجن فيه تصاعد درامي.
