سعد الصغير يشارك في مائدة إفطار جماعي بشبرا: يا ريت نكون زي المطرية.. والناس هنا أحسن مني | فيديو
شارك الفنان سعد الصغير في مائدة إفطار جماعية في منطقة شبرا، وحرص على تنظيم الطعام مع أهالي المنطقة.
وقال سعد الصغير خلال لقائه مع القاهرة 24: يا ريت نكون زي المطرية؛ لأنهم كل سنة متعودين يعملوا إفطار جماعي، إنما إحنا في شبرا دي أول سنة، كل الناس متعاونين والناس هنا أحسن مني، لأن هما اللي فكروا وقرروا يعملوا المائدة.
أزمات سعد الصغير
وسبق وأثار سعد الصغير جدلا واسعا على مواقع التواصل الاجتماعي بـ أزماته في الفترة الأخيرة، من بينها أزمته مع برلنتي، حيث اتهم سعد والدة برلنتي بسرقته.
وقال سعد الصغير في تصريح سابق لـ القاهرة 24: داخلين على أيام مباركة وفي رمضان، الحاجة أم برلنتي فتحت الباب وقعدت 5 دقائق، مفيش حد يفتح عربية في دقيقتين ويسرق فلوس، كنا قاعدين في عربيتي ولقيت والدة برلنتي عامر بتدور على حاجة بقالها 5 دقائق، وقالتلي أنا بجيب حاجة لـ بنتي، واكتشفت إنها سرقت 75 ألف جنيه مني.
سعد الصغير مع بسمة وهبة
وسبق وكشف سعد الصغير العديد من الأسرار عن علاقته بالراقصة شمس في برنامج العرافة مع الإعلامية بسمة وهبة، وقال: أنا متجوزتش شمس، ولما قولت كده في برنامج دي كانت واحدة بتعيط وأخواتها ضربوها وقالتلي أطلع قول كده وقولت كده، وبعدين لو أنا أتجوزتها مش في محامي وورقة وشهود؟ هما فين؟، وأنا مينفعش أتجوز رقاصة وتطلع تثبت.
وعن مقطع الفيديو الذي انتشر لـ سعد الصغير وهو يُقبل قدم الراقصة شمس، فعلق قائلًا: أنا وقعت مع ناس متعرفش ربنا وكنت مضروب على إيدي، هو فيديو زي ده ينفع يطلع؟ دي مش بنت ناس.
