علا غانم: مكنتش عايزه حد يعرف مكاني.. وأتقالي أخرك رصاصة بـ 10 جنيه وماية نار
أكدت الفنانة علا غانم أنها لن تُفكر في الإقدام على الزواج مرة أخرى، بعدما انفصلت عن زوجها خلال الفترة الماضية بعد فترة من المعاناة، كما أنها تلقت تهديدات بالقتل أثناء فترة مكوثها بأحد المستشفيات بعدما أُصيبت بنزيف داخلي وارتجاج في المخ وكسر في عظام يديها، وشرخ في القفص الصدري، على حد قولها.
وقالت علا غانم خلال حوارها مع الإعلامية بسمة وهبة في برنامجها العرافة، عن تلقيها تهديدات بالقتل: فكرة الجواز أبعد ما يكون عندي.. ومكنتش عايزة حد يعرف مكاني فين لما كنت في المستشفى.. لأن اتقالي أخرك رصاصة بـ 10 جنيه وشويه ماية نار.
وتابعت علا غانم، أن هناك عدد من أصدقائها في الوسط الفني نصحوها بالابتعاد عن زوجها السابق قبل انفصالهما، لكنها لم تستمع لحديثهم، قائلة: لوسي نصحتني وقالتلي سيبي الراجل ده ومسعمتش كمان كلام أمي ولا كلام انتصار مسمعتش كلام حد.
وعن سبب استعانتها بالرجال للعمل في منزلها بدلًا من السيدات، فعلقت علا غانم: أنا ست مش موجوده طول الوقت في بيتي.. إزاي أسيب شغلات ستات في البيت فجبت شغالين رجالة.
أزمة علا غانم وزوجها
كما كشفت الفنانة علا غانم تفاصيل أزمتها الأخيرة مع زوجها عبد العزيز حسن، بعد اتهامه بطردها من المنزل، في منتصف الليل وسرقة مجوهراتها ومتعلقاتها والاعتداء عليها، قائلة: أنا استمريت في الجوازة دي 18 سنة عشان كنت مشغولة دايمًا بالشغل، ومكنتش بسأل زوجي أنت فين ومفيش ست طبيعية متسألش جوزها هو فين.
وأضافت: عايزة طول الوقت أطلع بصورة معينة، وكنت بقول اللي يرضي المجتمع والناس عن جوازي، وأنا بعتبر نفسي ست قوية جدًا۔
