جوري بكر: بيجيلي شتايم قذرة بسبب شخصية وداد.. ومينفعش حد يكتبلي يا رخيصة لأن جوزي وأهله بيشوفوا الكلام
تحدث الفنانة جوري بكر عن تعليقات البعض من الجمهور بعد تقديمها شخصية وداد في مسلسل جعفر العمدة بطولة الفنان محمد رمضان والذي يعرض على شاشة قناة DMC.
وقالت الفنانة جوري بكر خلال ندوتها في القاهرة 24، إن بعد نجاح شخصية وداد في مسلسل جعفر العمدة تلقت تعليقات ومكالمات هاتفية تسببت لها في بعض المشاكل الأسرية، مضيفة: الدعوات دي أذتني، أنا عندي شوية كعبلة ومشاكل في حياتي، وبسبب الغل والحقد والشتايم اللي بتجيلي، وجتلي امبارح مكالمة قذرة، وده عيب.
وأضافت جوري: أنا معنديش مشكلة أن حد يشيد بيا وينزلي بوست أو يتكلم عني، بس مينفعش حد يكتب يا رخيصة يا واطية يا قذرة أنا عارفة أنه شخصية ولكن لما جوزي يقرأ أو أهله هتبقى وحشة أوي.
وكانت الفنانة جوري بكر أعربت عن سعادتها بنجاح شخصية وداد التي قدمتها في مسلسل جعفر العمدة، إذ قالت: الناس بتسقفلي، وسمعت الناس على القهوة بيهتفوا باسمي بيقولوا “إيه اللي عملتيه ده يا وداد يا مفترية”، والستات بتعاكسني أكتر من الرجالة، وحابوني حب كبير معرفش ليه، فيه ناس بتقولي إحنا مستنيين المسلسل عشان نشوف هتقولي إيه، ده حلم حياتي بيتحقق قدامي الحمد لله.
مسلسل جعفر العمدة
العمل من بطولة الفنان محمد رمضان ويشارك فيه مجموعة من الفنانين أبرزهم، مي كساب، زينة، منة فضالي، أحمد داش، إيمان العاصي، جوري بكر، هالة صدقي، دعاء حكيم، أحمد فهيم، عصام السقا، فريدة سيف النصر، وغيرهم، والعمل من إخراج وتأليف محمد سامي، ويعرض يوميًا بعد أذان المغرب على شاشة قناة DMC بالتزامن مع موسم رمضان 2023.
