أحمد فهيم: بكيت لما محمد رمضان صفعني بالقلم.. وكان حلمي أشوف صورتي على أفيش واسمي بالتتر
تحدث الفنان أحمد فهيم عن كواليس مشاركته في مسلسل جعفر العمدة، بعد تألقه في تقديم شخصية سيد شقيق محمد رمضان في المسلسل وهي الشخصية التي لاقت تفاعلًا كبيرًا من قبل مستخدمي مواقع التواصل الاجتماعي.
وقال أحمد فهيم في تصريحات لـ إي تي بالعربي: شخصية سيد العمدة صعبة جدًا بالنسبة لي وأصعب شخصية عملتها من أول ما بدأت، وسيد مش عبيط لكنه راجل كبير وجواه طفل والتناقض في الشخصية هو اللي عامل الحالة دي.
وعبر أحمد فهيم عن سعادته الشديدة بنجاح دوره في مسلسل جعفر العمدة قائلًا: كان حلمي لما خدت قرار أكون ممثل يكون عندي كارفان وأوضة بتاعتي وأكون على الأفيش وأشوفه في الشارع زي ما بشوف أفيش المسسلات والأفلام والحمد لله حلمي أتحقق.
وأضاف: أحمد داش بعت لي صورة الأفيش وبارك لي ولما شفتها دموعي نزلت لأنه حلم من زمان، ولما ماكنتش بشوف صورتي في أفيش أو اسمي على تتر كنت بشجع نفسي وأقول بكره هيكون ده موجود ولما ده حصل ساعادتي ما تتوصفش.
كما تحدث أحمد فهيم عن كواليس مشهد صفع محمد رمضان له في المسلسل، مشيرًا إلى أنه من أصعب المشاهد التي قدمها في العملا: من المشاهد صعبة جدا واتاخد من كذا زاوية، ولما خدنا الزاوية بتاعة محمد رمضان كنت بعيط وفي دموع نازلة وفي حالة كده ولما جينا ناخد زاويتي فصلت وما كنتش عارف أعيط.
وأضاف: بوجه لمحمد رمضان الشكر والتحية وهو جال لي وخدني على جنب وقال لي هنعمل المشهد ده على روح خالد صالح لما قال لي كده روحت في حتة تانية والحمد لله عملنا مشهد حلو.
وعن تعاونه مع الفنانة هالة صدقي التي تقدم دور والدته في العمل قال: في الكواليس كل لما تقول لي ازيك يا سيد أقول لها ازيك يا أما، تقول لي كتك مو أمك ازاي وهخلفك إزاي.
وأضاف عن تعاونه مع المخرج محمد سامي: الفضل يرجع لمحمد سامي في الحالة اللي حاصلة في المسلسل بيقعد معانا قبل كل مشهد والحمد لله النتيجة بتطلع كويسة زي ما أنتم شايفين.
