أبرز لقطات حلقة غادة إبراهيم مع رامز جلال.. رفَضت الصلح مع بوسي شلبي وكَشفت سر ابنتها
تحل الفنانة غادة إبراهيم ضيفة على برنامج رامز نيفر إند لـ الفنان رامز جلال، والذي يعرض عبر شاشة قناة Mbc مصر.
في بداية الحلقة سخر رامز جلال من غادة إبراهيم، إذ قال: عجبت لك يا زمان، الجري ورا التريند جنن الإنسان، انتش واجري سيرتك هتبقى على كل لسان، خش محلات الكشري، البني آدمة اللي جاية نجمة بلا أعمال، اتشهرتي يا ولية، تقولك إيه ده مش شايف الشياكة، مش شايف غير البروكة، أعوذ بالله ده شعرك، وسطك إيه يا ولية مش شايف غير النيش، نجمة الكعابيش، اللي نفسنا متجيش، غادة إبراهيم.
وتابع رامز جلال سخريته من ملابس غادة إبراهيم، قائلًا: هيفاء وهبي الغلابة، إيه القطع اللي في الكتف ده كنت بتتخانقي، إيه بنطلون الزيبرا ده داخله علينا بحمار وحشي، شكلها فطرانه سندوتشين بوتكس، لابسة خزان مايه في رجليها.
وتحدثت غادة إبراهيم عن زيجاتها المتكررة، قائلة: زيجاتي كتير، اتخطبت مرة ومكملتش الجوازة واتحسبت عليا وكان كابتن طيار، جوازه 3 سنين، وجوازة 7 سنين وكانت هتكمل 70 سنة لو مكنش خاني.
وطلب رامز جلال من غادة إبراهيم أن تعتذر للإعلامية بوسي شلبي لكنها رفضت بشدة.
أبرز حضور برنامج رامز جلال
وشارك العديد من نجوم الفن في برنامج رامز جلال رامز نيفر إند ومن أبرزهم، وفاء عامر، مصطفى كامل نقيب المهن الموسيقية، بجانب الفنان محمد فؤاد وهنادي مهنا ومحمد رمضان وأمينة شلباية ولاعب الكرة الشهير إمام عاشور والمطرب أمير عيد والإعلامية ياسمين عز، أمينة شلباية، أحمد السقا، أحمد فتوح لاعب نادي الزمالك، وغيرهم من المشاهير الذين وقعوا في فخ المطعم الطائر والغسالة.
غادة إبراهيم
ودائمًا ما تثير الفنانة غادة إبراهيم جدلًا واسعًا بتصريحاتها وكانت آخرها: عندنا فيلم عمارة يعقوبيان اللي كان فيلم عالمي وخالد الصاوي عمل الدور بطريقة هايلة، وأنا عملت دور جريء واحد بس في حياتي، ومع ذلك بيقولوا عليا ممثلة إغراء؟ فين الإغراء دا؟ وفيه أدوار مقدرش أقدمها دلوقتي زي القبلات أو ألبس مايوه إنما ممكن ألبس مايوه وعليه كاش مايوه.
