ميدو يكشف أول تحرك من الأهلي بعد سباب الجماهير لـ شيكابالا
كشف أحمد حسام ميدو، نجم الزمالك ومنتخب مصر السابق، أول تحرك من النادي الأهلي بعد سباب بعض الجماهير لمحمود عبد الرازق شيكابالا قائد الزمالك، خلال مواجهة فاركو في الدوري الممتاز.
أول تحرك من الأهلي بعد سباب الجماهير لـ شيكابالا
وقال ميدو في تصريحات تلفزيونية: معلوماتي تكمن في أن لجنة إدارة المباريات في النادي الأهلي اجتمعت وتم فتح تحقيق لمعرفة القلة التي قامت بالهتاف ضد اللاعب.
وأضاف: مجلس إدارة الأهلي يرفض ما فعلته قلة من الجماهير في لقاء الأهلي ضد فاركو، وبصراحة شتيمة جمهور الأهلي لشيكابالا تُقل دم، والراجل مش طرف في حاجة، وفي ناس أهلاوية كتير مش راضيين عن اللي حصل.
ميدو: اللي شتم شيكابالا مبيحبش الأهلي
وفي السياق ذاته، هاجم أحمد حسام ميدو، بعض الجماهير التي قامت بسب محمود عبد الرازق شيكابالا قائد الزمالك خلال مواجهة الأهلي وفاركو في الدوري.
وقال: عايز اعرف شيكابالا عملكم ايه عشان تشتموه في الوقت الحالي؟ كان في قصة قبل كدة وانتهت لكن ايه الداعي، ايه المرض ده!
وواصل: شيكابالا واحد من أحسن اللاعيبة اللي جات في تاريخ مصر لعبت كورة، سواء اتفقت أو اختلفت على شخصيته، وفي وقت أزمة النادي الأهلي وقت بورسعيد، أول واحد مد إيده وأول واحد قال اتبرع بطلوا لعب عيال صغيرة.
واختتم: أطالب وزير الشباب والرياضة بالاجتماع مع أساطير الأندية الشعبية لتوعية الجماهير، واللي شتم شيكابالا، مش بيحب الأهلي ده بيضره، وافتكروا لما خسرتوا من الوداد خسرتوا جمهور مش كورة، بنرجع نعيط في الآخر.
