لوسي: أحيانا مبقدرش أصلي وبعيط لربنا وأقوله أنا تعبت نفسي أركع لك كل يوم
حلت الفنانة لوسي ضيفة على موقع القاهرة 24، ليكرمها بعد تقديمها شخصية هند بنت الأحمر في مسلسل المداح 3 الذي يعرض حاليا بالتزامن مع موسم رمضان 2023، وتحدثت لوسي عن قربها من الله وعن الحجاب.
وقالت لوسي خلال ندوتها في القاهرة 24 إنها تحب الله عز وجل ولكنها لا تخاف منه، موضحة: بحب ربنا وبحترمه لكن مبخافش منه، ومش هخدع ربنا أنا أحيانا مبقدرش أصلي ولكن لما بصلي بخشع وبعيط وبقول لربنا أنا تعبت ونفسي أركع لك كل يوم وترضى عني.
وعن ضرورة ارتداء المرأة للحجاب، قالت: عمر ما كان اللبس أو الاحتشام والحجاب له علاقة بالسلوك وممكن واحدة لابسة كت وبتخاف ترمي لقمة في الشارع وبتأكل قطة وممكن واحدة محجبة ومبتعملش كدا، وربنا مش هيسألنا إنتي كنتي لابسة كت ولا لا إنما هيسأل كنا بنتعامل إزاي.
ومن جانبه، علق الفنان حمادة هلال على تصريحات الفنانة لوسي الأخيرة، إذ قال في تصريحات خاصة لـ القاهرة 24: لوسي فنانة جميلة ونجمة كبيرة ممكن تكون واخدة الأمور بشكل أوفر شوية، الجو كان برد اليوم ده وهي كانت لابسة خفيف وجتلها رعشة، وأنا كنت عامل 3 أجزاء كان زماني طاير في الجو.
واستكمل حمادة هلال: محدش حصله حاجة في الكواليس، ومش بكدبهم بلاش نتكلم في حاجة مبتحصلش، واللي عملوا المحلات والمطاعم باسم المداح، المفروض أخد نسبة منهم، بس ربنا يرزقهم.
مسلسل المداح 3
العمل من بطولة الفنان حمادة هلال، وشارك فيه مجموعة من الفنانين أبرزهم: لوسي، محمد رياض، رانيا فريد شوقي، هبة مجدي، دنيا عبد العزيز، خالد سرحان، حنان سرحان، هلا السعيد، صبحي خليل، وغيرهم من الفنانين، والعمل من إخراج أحمد سمير فرج، وتأليف أمين جمال.
