أحمد فهمي: بحس إني في بيتي وأنا في الاستاد مع جمهور الأهلي.. ومرة اتخانقت والناس صورتني
تحدث الفنان أحمد فهمي، عن علاقته بجمهوره، الذي يتباين بين جمهور السوشيال ميديا وجمهور الشارع، كما روى موقفا طريفا، لمشاجرة دخل بها في وقت سابق.
وقال أحمد فهمي خلال ندوته في القاهرة 24: الناس في الشارع ألذ من السوشيال ميديا، أنت بتلاقي الناس في السوشيال ميديا كله سخن على الممثلين، لكن لو شافه في الشارع بيقف يتصور معاه وبيبقى لطيف أوي.
وأشار إلى أن جمهور ومشجعي النادي الأهلي يدافعون عنه باستماتة، كونه مشجع كبير لهذا النادي، وقال: دايما جمهور الأهلي مش بيستحمل عليّ أي كلمة، ودي نعمة كبيرة من عند ربنا، أنا عندهم خط أحمر.
وأضاف: أنا طبعا مش بعمل حملات على حد ولا دي أخلاقي، بس لما بيتعمل عليّ حملات جمهور الأهلي هما اللي بيردوا، سواء على السوشيال ميديا أو في الحقيقة، يعني لما بروح الاستاد ببقى كأني قاعد في البيت.
أحمد فهمي يروي مشاجرة له بالشارع
وروى فهمي تفاصيل مشاجرة دخل بها من قبل، قائلا: بالنسبة لخناقاتي في الشارع، كنت زمان قبل ما أكون معروف بتخانق كتير، بس دلوقتي هديت شوية، وأفتكر خناقة عملتها وأنا معروف، كنت بلعب كورة في الشارع مع مدير أعمالي، مع عيال عندهم 18 سنة، وكنا فايزين عليهم وكله تمام، بس بدأوا يعملوا مشاكل، وأنا وصلت لمرحلة إني بقيت بشتم ومش واخد بالي إن الناس بتصور، وناسي إن أنا شخص معروف.
