القاهرة 24 يخترق اشتباكات الجيش السوادني وقوات الدعم السريع ويكشف معاناة المصريين المقيمين في السودان
يواصل الطلاب المصريون في السودان رواية المأساة التي يعيشونها على خلفية الأحداث الأخيرة، التي تشهدها الخرطوم من اشتباكات عنيفة بين الجيش السوداني وقوات الدعم السريع بسبب الخلافات الداخلية في البلاد.
وقال الطالب نصر عبدالفتاح سعد محمد: أنا بدرس طب أسنان، الفرقة الثالثة، في جامعة المدائن في الخرطوم منطقة الرياض، والضرب بدأ من يوم السبت من بعد الفجر تقريبا، والضرب شغال كل يوم معظم اليوم بس مش كله في أماكن كتير، طيران ودبابات ومدافع.
وأضاف نصر في تصريحات لـ القاهرة 24: الكهرباء قاطعة في أماكن بقالها أيام وأماكن تانية شغالة والمياه كذلك، وشركة الكهرباء مقفولة ومحدش عارف يشحن كهرباء، الكهرباء هتقطع، ولو نزلت علشان تجيب أكل ومياه ممكن تموت.
وقال طالب آخر، وهو يوصف المعاناة التي يعيشونها: الآن الوضع صعب جدا، وفي طلاب كتير انقطع عنهم الاتصال بسبب عدم وجود كهرباء، الموبايلات واللاتوب والتابلت كل الحاجات دي فصلت شحن ومش عارفين نوصلهم، لكن بنحاول نوصلهم من الناس اللي حوليهم علشان نطمن عليهم، لكن مع الوقت الناس دي كلها هيتقطع عنها الاتصال، ومفيش مياه خالص، الناس بقالها 4 أيام منت غير مياه، وفي ناس عايشة على زجاجات المياه لأن المياه قاطعة ولو حد نزل مش هيلاقي محلات فاتحة، ودي مشكلة كبيرة جدًا والناس بيجيلها جفاف.
معاناة الطلاب المصريين في السودان
وقال طالب آخر لـ القاهرة 24 بشأن أزمة المياه التي يعاني منها الطلاب: يا جماعة إحنا بقالنا 5 أيام المياه مقطوعة عندنا، ومن إمبارح مفيش أي حاجة، وإمبارح فطرنا إحنا 6 أشخاص على زجاجة مياة كبيرة وأخرى صغيرة، ومفيش مياه أصلا عندنا من إمبارح، معلش يا جماعة مفيش أي مياه ومعانا واحد هنا في السكن تعبان جدا محتاج مياه.
وشهد السودان صراع بين الجيش السوداني بقيادة الفريق أول عبدالفتاح البرهان وقوات الدعم السريع بقيادة محمدا دقلو، على عدة جبهات متفرقة بالبلاد، مما أسفر عن توتر الأوضاع الأمنية بشكل كبير.
ودارات اشتباكات عنيفة بين الجيش وقوات الدعم السريع في جبهات متفرقة أبرزها مطار مروي العسكري ومحيط مقر القيادة العامة للقوات المسلحة السودانية.
