دياب يهاجم منتقدي منى زكي بسبب تحت الوصاية: حواجب إيه احنا بنهزر؟
تحدث الفنان دياب عن منتقدي الفنانة منى زكي بسبب مسلسل تحت الوصاية وشكل حواجبها في العمل، وبجانب ذلك حديثه عن الحملة الممنهجة عليها بسبب وجودها في السباق الرمضاني 2023.
دياب يهاجم منتقدي منى زكي بسبب تحت الوصاية
وقال دياب خلال ندوته في القاهرة 24: حواجب ايه احنا بنهزر، أنا واحد أهلي كلهم محجبات مش بشوفهم طول النهار في الكوافير، ودي حملة ممنهجة على منى زكي وغيرة منها.
وأضاف دياب: منى زكي ممثلة بتمثل دور وشخصية، ولكن ده مش الحقيقي، وبعد عرض المسلسل الأصوات دي خافتت تمامًا
وعلى جانب آخر، أوضح دياب عن الهجوم على المسلسل: أنا اطمنت أننا هننجح بعد الهجوم على المسلسل، أنا قلت هتشوفوا النجاح اللي هيحققه المسلسل، لأن ربنا عادل جدا، وأنا بحب آخد بالأسباب.
وأضاف دياب: منى زكي وقع عليها ظلم لا يتحمله بشر، وأنا بحبها وقدرها عندي عالي، ولما حصل الانتقادات دي أنا كنت شايف إن ربنا بيشاور علينا، والناس اللي دفعت الفلوس علشان الحملة دي لو دفعوا الفلوس في حاجة مصلحة كانت هتبقى أحسن.
واستكمل دياب: الهجوم ده حملة مدفوعة والناس اللي شغالة على السوشيال ميديا عارفين الموضوع ده، والجمهور للأسف بينساق للحاجات دي وده حرام، طيب ما الأصوات دي اختفت ومبقتش ظاهرة لما المسلسل اتعرض.
مسلسل تحت الوصاية
حقق العمل نجاحًا كبيرًا منذ عرضه في رمضان 2023، وضم عددا كبيرا من النجوم أبرزهم، منى زكي، مها نصار، أحمد خالد صالح، رشدي الشامي، علي صبحي، أحمد عبد الحميد، وعدد آخر من الفنانين، والمسلسل من تأليف خالد وشيرين دياب وإخراج محمد شاكر خضير.
