دياب: مبخافش من الموت وعمري ما سألت شيخ الفن حرام ولا لأ لأني بستشير ربنا
كشف الفنان دياب، عن رأيه في تحريم البعض للفن، مؤكدًا أنه لم يلجأ لـ شيخ من قبل لسؤاله حول هذا الأمر بل يلجأ لله ويستخيره في كل شيء.
وقال دياب خلال ندوته بالقاهرة 24: اللي بيقول الفن حرام هو حر دي وجهة نظره، ومفكرتش أسأل شيخ لأني مكتفي بالعمار بيني وبين ربنا وبرجعله هو وبستشيره وبستخيره وهو اللي بيرشدني، وأنا مبخافش من الموت لأنه حق.
وواصل دياب: فكّرت أعمل ابتهالات دينية بس متعرضش عليّا حاجة تستفزني وأنا تربية جوامع وبرتل، وإني أعمل ابتهال أو دعاء هتكون حاجة عظيمة بالنسبالي ويارب ده يحصل.
كما تطرق دياب للحديث عن رأيه في مطربي المهرجانات وإمكانية التعاون معهم، قائلا: نوع الفن اللي بيقدموه مطربي المهرجانات مش هلاقي نفسي فيه، وأنا مش ضدهم لأنهم مبدعين وفنانين ومينفعش نغفل نجاحهم، أنا بس ضد الألفاظ اللي بتكون موجودة أحيانا في المهرجانات الشعبية.
وأضاف دياب: أنا مبحبش أقول نفسي أشتغل مع مين زي ما معظم الفنانين بيقولوا، عشان محدش يفتكر إني بتسول حاجة من حد، ودي فيها رياء ومش بقول أبدًا.
آخر أعمال دياب
وعلى جانب آخر، حقق دياب نجاحا هائلا بـ مشاركته في مسلسل تحت الوصاية، بالتعاون مع الفنانة منى زكي وعدد كبير من الفنانين، أبرزهم نهى عابدين، ثراء جبيل، أحمد خالد صالح، رشدي الشامي، مها نصار، خالد كمال، محمد عبد العظيم، وجميل برسوم وغيرهم من الفنانين.
