مدحت العدل: اخترت قضية عدم ورث المرأة لأرض بالصعيد في عملة نادرة لأنها لا تتماشى مع الدين
كشف السيناريست والكاتب مدحت العدل، فكرة مسلسل عملة نادرة للفنانة نيللي كريم والذي عرض ضمن المارثون الرمضاني ونال إشادات كبيرة.
وقال مدحت العدل في لقاء مع القاهرة 24 حول اختيار فكرة المسلسل: فكرنا في تقديم عمل صعيدي، ورجعت أكتب بعد 5 سنين لأن الموضوع شدني خاصة أني أنا ونيللي كريم ما قدمناش صعيدي قبل كده، فده بالنسبة لي تحدي إننا نعمل صعيدي مع كل الأعمال الصعيدية العظيمة اللي اتربينا عليه وحبيناها زي الضوء الشارد والليل وآخره.
وأضاف مدحت العدل: أن التحدي هو اللي بيخلق الطموح اللي بيخليك عاوز تشتغل، خاصة أن الصعيد منبع للاتجاه في الفن اسمه الواقعية السحرية، والأشياء التي نعتقد أنها مش موجودة في الواقع هي موجودة عندهم في الحقيقة بالصعيد، وقررت أناقش فكرة معروفة في الصعيد وهي أن المرأة لا ترث أرض في الصعيد وبغض النظر أن هذه الفكرة مش مع الدين في حاجة ولكن هنا يحدث الانفصام بين العادات والتقاليد وبين الدين، وهما بيمشوا ورا العادات والتقاليد مش الدين؛ علشان كده حبيت أنكش في الفكرة دي.
وتابع: الصعايدة ناس جميلة وواضحين لما يحبوا يحبوا بقوة ولما يكرهوا يكرهوا بقوة، ولما يعادوا يعادوا بقوة وهذه المشاعر الطازجة نقطة انطلاق لأي حد بيكتب دراما.
