محمد سامي يتحدث عن زوجته مي عمر: راسية ومش خفيفة ولا بتحب تهزق نفسها
تحدث المخرج محمد سامي عن زوجته مي عمر، مشيرًا إلى أنها سبب نجاحه كونها هادئة وغير مزعجة، وأنها تدعمه كثيرًا.
أول حاجة لفتت نظري فيها جمالها وحيائها
وكشف محمد سامي سبب إعجابه بـ مي عمر قائلًا: أول حاجة لفتت نظري في مي هو جمالها وأن عندها حياء وكلامها قليل، ومعندهاش طباع موجودة عند ستات بتضايق لأنها مش حشرية ومش شخصية خفيفة بالعكس راسية.
مش بتحب تهزق نفسها
وأضاف محمد سامي: مي بتغير زي أي ست لكن مش بتهزق نفسها وتقل قيمة زعلها ومش عمال على بطال تفقد الحاجات قيمتها لكنها بتعزز قيمة الريأكشن وقيمة الزعل، ولما تتجاهلني تمامًا أعرف إنها زعلانة، والراجل الطبيعي مش مطلوب منه يخلي مراته تغير مطلوب منه يتصرف بشكل طبيعي.
وأكد محمد سامي أن مي عمر لا تنزعج من عدم مشاركتها في جميع أعماله قائلة: عارفة إن كل الفنانات اللي بصور معاهم هما إخواتي وصحابي، وآخر عملين اشتغلتهم مع مي كانوا بالمحايلة علشان تكون معايا في المنطقة دي بتقول بناقص طالما الناس بتتكلم علينا.
وتابع: مي عمر حياتها مزيكا وحياتها هدوء وراحة أعصاب ولو هي شخصية مزعجة ما كنتش هعرف أنجح النجاح ده لكنها بتدعمني وعاقلة ولذيذة وهي صاحبتي وأنا ماشي خارح من الحلقة لما بشوف حاجة عاجبتني بصورها وأبعت ليها وهي كمان كده لأننا مش بننبسط غير مع بعض ومش بنضحك غير مع بعض.
