زينة عن كواليس العمل مع أبطال جعفر العمدة: كنت منعزلة عنهم لأني لو سبت نفسي للهزار والرغي مش هطلع حاجة
تحدثت الفنانة زينة عن كواليس التعاون مع أبطال مسلسل جعفر العمدة، الذي عرض في المارثون الرمضاني 2023، وحقق نجاحًا كبيرًا.
وقالت زينة خلال لقاءها في برنامج مساء دي إم سي مع إيمان الحصري: الروح بتاعت الشغل روح شغل فقط، وأنا كنت معزولة لأني بحب أركز أوي ومش بحب أضيع طاقتي في الكلام في حاجة غير الشغل وكنت بخرج من أوضتي أعمل المشهد وأرجع تاني، لأني لو سبت نفسي للرغي والهزار مش هطلع حاجة، فلازم تحافظي على مود الشخصية فأنا كنت منعزلة.
وأضافت: خلصت يوم 13 مارس وهما كان عندهم يوم بعدي، ومكانش عندنا حاجة خالص في رمضان ودي من الحاجات النوادر اللي تحسب للمخرج أننا خلصنا بدري لأن التصوير في رمضان متعب.
زينة تتحدث عن التعاون مع محمد رمضان
كما تحدثت زينة عن التعاون مع محمد رمضان قائلة: حاجة كويسة أني أطلع مع نجم زي محمد رمضان نجاحه مضمون بدور البنت الحلوة اللذيذة الغريبة والمختلفة مفيش غيرها هي اللي مختلف.
ويُشار إلى أن مسلسل جعفر العمدة حقق ردود فعل واسعة وإشادات من الجمهور والنقاد ونجون الفن، والعمل ضم مجموعة كبيرة من الفنانين إلى جانب محمد رمضان منهم زينة، إيمان العاصي، مي كساب، منة فضالي، أحمد داش، هالة صدقي، أحمد فهيم، جوري بكر، عصام السقا، مديحة البكري، فريدة سيف النصر، وغيرهم، ومن إخراج محمد سامي.
