زينة: وشي المنحوت موضة دلوقتي.. وفيه بنات بتسافر بره عشان تعمل إطلالتي
قالت الفنانة زينة، إن لديها ثقة بنفسها، وراضية عن مظهرها، متابعة: لما بشوف واحدة حلوة بقول من جوايا أنا أحلي منها.. ولما بيقولوا لي اعملي نيو لوك بقولهم شكلي كدا عاجبني.
وأضافت زينة خلال استضافتها ببرنامج مساء دي سي، مساء السبت: مبسوطة بشكلي ومبحبش أغيره، ممكن أغير لون شعري لكن أقصه دي خطوة مقدرش عليها وأخاف منها، أنا بحب الشعر القصير ونفسي أعمل شعري كاريه.
وردت الفنانة زينة، على سؤال الإعلامية إيمان الحصري للفنانة عن تعليقها حول مقولة المخرج يوسف شاهين عنها "صوفيا لورين العرب"، لترد الفنانة قائلة: "أنت اللي صوفيا لورين العرب يا إيمان، ودي شهادة كبيرة منك، لما بسافر بره بشوف بنات حلوة أوي، ولكن عندي رضا داخلي عن شكلي".
زمان كانوا بيقولوا عليا وشي معضم
وأكملت الفنانة زينة: زمان كانوا بيقولوا عليا وشي معضم، وشي المنحوت موضة دلوقتي وفيه بنات بتسافر بره عشان يعملوا إطلالتي.
واستطردت: كان عندي سفاهة في التسوق وكنت بسافر أشتري كل جديد في الموضة، بعد أولادي بدأت أتحمل المسؤولية، مضيفة: أنا مهووسة شراء أزياء ورغم ذلك بكرر كتير ارتداء نفس الطقم ومش بيفرق معايا.. دفعت فلوس كتير فيه هلبسه مرة واحدة وأرميه مثلًا.
