زينة: شغلانة الفن كويسة ومش عيب.. كفاية أن الفنان ناس كتير بتدعي له مش أسرته بس
تحدثت الفنانة زينة عن رفض والديها دخولها مجال التمثيل، مشيرة إلى أن والدتها سمحت له بأن تكون مذيعة وبالفعل عملت كمذيعة لمدة 3 أشهر.
وقالت زينة خلال لقائها في برنامج مساء دي إم سي مع الإعلامية إيمان الحصري: اشتغلت مذيعة شهرين أو تلاتة شهور بناء على رغبة والدتي، لأن فكرة المذيعة هلبس بدل حلوة وشيك ولذيذة، ومامتي كانت رافضة نهائي أني أشتغل ممثلة وضغطت عليا لحد ما شيلت جوايا وانفجرت.
وأضافت زينة: لما بلاقي حد من صحابي ولادهم عاوزين يمثلوا وهما مش عاوزين بقول لهم سيبوهم دلوقتي يعملوا التجربة بجد علشان ما تفضلش جواهم وعاوزين يحققوها لما يكبروا، سيبوهم هيزهقوا ويتعبوا ويطلعوا الطاقة اللي جواهم وممكن ينجحوا لأن الفن شغلانة كويسة جدا ومش عيب، واللي بيقولوا كده هما نفسهم بيتفرجوا علينا وبيجروا يتصوروا معانا.
وتابعت: أنا شفت جنازات الفنانين الجمهور العادي بيمشوا فيها، وكفاية أن لو أسرة مات فيها حد الحد ده يدعوا له الأسرة فقط لكن لو فنان ناس بتحبه هتلاقي ناس كتير بتدعي له خاصة لو فنان متفاني في عمله، لأن فيه طفرات من الفنانين زي فنان يكون مصدق أوي وبيعمل حبه بصدق وتفاني ومش بياخد غير حب الناس.
