أحمد فهمي: اتفقت مع أحمد حلمي على كتابة الجزء الثاني من كده رضا بس مفيش وقت
تحدث الفنان أحمد فهمي، عن سبب عدم غزارة إنتاجه في جانب الكتابة، مشيرا إلى أنه مازال على وعد مع أحمد حلمي، لتنفيذ الجزء الثاني من فيلم كده رضا.
وقال أحمد فهمي خلال ندوته في القاهرة 24: أنا بحب الكتابة جدا بس مفيش وقت ليها، والسنة دي عندي 3 مشاريع، والسنة اللي جاية 3 أو 4 مشاريع كمان، والموضوع بيبقى صعب أوي في الكتابة، ومرتبط مع حلمي بكتابة الجزء التاني من فيلم كده رضا بس مفيش وقت خالص.
كما تطرق للحديث عن تصريح المخرج خالد يوسف، بشأن عدم تكراره تجربة إخراج الدراما مرة أخرى بعد مسلسل سره الباتع، وقال: خالد يوسف طلع عينه في الدراما كأول تجربة له، وموت نفسه في العمل، الراجل تعب ومش بيجب يسيب مخرج تاني أو المساعد هو اللي يعمل الشغل مكانه، ومكنش بينام، وقولتله بعد تصريحه ده متقولش بالصيغة دي عشان هتتفهم إن نتيجة مسلسل سره الباتع هي اللي وحشة.
وأضاف فهمي: بس هو بيتكلم إن المجهود كان صعب أوي، خصوصا إن إحنا في مصر بنعمل 30 حلقة في وقت قليل أوي، فده متعب وفي تحت الوصاية العمل متقن وممكن يكون الأفضل فنيا، لأنه 15 حلقة مكتوبة حلو جدا، ومع مخرج منظم.
مسلسل سره الباتع
على جانب آخر، حقق أحمد فهمي نجاحا كبيرا من خلال مسلسل سره الباتع، الذي شارك به في موسم رمضان 2023، بجانب عدد كبير من الفنانين، أبرزهم الفنان أحمد السعدني، حنان مطاوع، حسين فهمي، وآخرين، ومن إخراج خالد يوسف.
