شريف منير: الجمهور غلط في الهجوم على منى زكي.. وكنت أتمنى تقديم مسلسل مذكرات زوج
تحدث الفنان شريف منير عن مشاركته في فيلم يوم 13 مع الفنان أحمد داود ودينا الشربيني، مشيرًا إلى أنه يعد أول فيلم مصري بتقنية الـ 3d.
وقال شريف منير لـ القاهرة 24 على هامش حضوره العرض الخاص للفيلم: عندنا أفلام رعب كتير.. ولكن تقنية فيلم يوم 13 جديدة.. والمنتج أحمد عبد الله استخدم تكنيك عالي أوي.. هو أول فيلم 3d فيلم رعب بتركيبة جديدة.
وأردف: من أصعب الحاجات اللي بتواجهنا في تصوير أعمال الرعب هو إننا بنتعامل مع حاجات مش موجودة قدامنا، ولكن لازم نتعامل عشان لما تتعمل الجرافيكس يبان الأداء طبيعي.
وعن مشاهدته للمسلسلات في رمضان، تابع شريف منير: عجبني أوي منى زكي في تحت الوصاية ورسالة قوية ومهمة جدًا، ومنى كانت مبهرة وأحمد صالح وكل الممثلين اللي فيه.
أما عن هجوم الجمهور عليها بسبب بوستر مسلسل تحت الوصاية، أضاف شريف منير: الهجوم تسرع مش في مكانه لما الناس تتفرج هتقول إنهم غلطانين.. كان هجوم لمجرد الهجوم.. المسلسل قوي وعظيم جدًا والموسيقى والمونتاج والأداء حلو.
شريف منير: كنت أتمنى تقديم دور طارق لطفي في مسلسل مذكرات زوج
واختتم شريف منير حديثه: وعجبني طارق لطفي في مذكرات زوج، كانت من الأدوار اللي نفسي ألعبها.
