محمد رمضان: لما بقول أنا نمبر وان بكون عارف إني عندي حاجات محدش تخطاني فيها
تحدث الفنان محمد رمضان عن أهمية الماركتينج في حياة أي شخص، وكيف يسوق لنفسه بدلائل حتى يكسب ثقة الجمهور.
وقال محمد رمضان خلال استضافته في برنامج صاحبة السعادة مع الإعلامية والفنانة إسعاد يونس: أنا عاشق للماركيتنج وأفهم وأعي أهميته في حياة أي شخص في بناء أي براند واسم.
وأضاف محمد رمضان: أهمية الماركتينج أني أزع الثقة بين الجمهور والمنتج أو هذا الشخص فبالتالي لازم يتعمل بثقة ودلائل زي إعلانات زمان لو مثلًا بعمل إعلان عن مسحوق غسيل يجيبه البقع ولما يحطه المسوق تروح.
وتابع محمد رمضان: وكذلك لو بعمل ماركينتج لاسمي لازم يكون عندي دلائل أني ما أطلعش أقول أنا نمبر وان وأسكت لأ يقول أن في هاشتاج اسمي على تيك توك عشرة مليار و800 مليون بنزل الخبر أو بطلق المقولة وعارفة أن جمهور باقي النجوم دي هيبدأ رحلة بحث فلازم لما يوصل للنتيجة يقول هو فعلا مفيش اسم متخطيه فحقه يقول أنا نمبر وان، ولازم يكون عندي حاجات في مشواري ما حدش تخطاني فيها أو لو حد تخطى يبقى بعد ما أنت قلت.
محمد رمضان يتحدث عن عمر الشريف
من ناحية أخرى، تحدث محمد رمضان عن عمر الشريف، وكيف ساعده في مشوراه الفني، قائلًا: عمر الشريف كان أبويا الروحي وكان بمثابة طوق نجاة اتحدف لي وأنا بغرق في بحر اليأس، لأني ما كنتش بشتغل وقتها ومفيش دليل يقول أني ممكن أكمل وأنجح، وطلع النجم العالمي الوحيد في مصر يقول ده اللي اختارته يكمل مسيرتي وشايفه هيكون أحسن ممثل في مصر وما فهمتش كلامه وما فدنيش على مستوى الشغل وجالي أدوار ولكن أداني قوة وحسسني أني ماشي صح.
