كانوا كتير عليّا وكنت بدافع عن نفسي.. ننشر اعترافات المتهم بقتل بلال في كوبري القبة |فيديو
منذ 7 أشهر وقعت جريمة مقتل الشاب بلال بمنطقة منشية الصدر بحدائق القبة، وانتقل محرر القاهرة 24، إلى مسرح الجريمة، والتقى أسرة المجني عليه، حيث أشارت والدة الضحية، إلى سابقة حدوث خلافات بين المتهمين وشقيقها خال المجني عليه، على بناء شقة سكنية في أحد العقارات، التي يملكها خال الضحية ووالدة المتهم، وتم إنهاؤها داخل قسم الشرطة قبيل الواقعة بساعة.
اعترافات المتهم بقتل بلال في كوبري القبة
وقالت: عقب خروج الطرفين، افتعلت والدة المتهم رضا كفتة مُشاجرة، واعتدى كلا الطرفين على الآخر، ولكن سرعان ما تم فضها، مضيفة أن نجلها المجني عليه، حاول تهدئة الوضع عقب فض المشاجرة، التي لا دور له فيها، فتفاجأ بالمتهم ويدعى محمد.م، يستل سكينا، ويطعنه في قلبه طعنة نافذة أودت بحياته على الفور.
واستدعت جهات التحقيق المتهم بقتل الشاب بلال، ويدعى محمد.م 28 سنة، وأنكر ما نسب إليه من استعراض القوة والعنف ضد كل من المجني عليهم أسامة ا، محمد م، ندى ح، وذلك بقصد ترويعهم وتخويفهم والإضرار بممتلكاتهم وسلب مالهم، وكان من شأن ذلك إلقاء الرعب في نفسهم وتكدير أمنهم وتعريض سلامتهم للخطر.
كما أنكر المتهم جناية أخرى بأنه في ذات الزمان والمكان، قتل المجني عليه بلال أسامة عمدًا، وطعنه طعنة نافذة بالصدر باستخدام سلاح أبيض والتي أودت بحياته وفقًا لما هو ثابت بالتقرير الطبي المرفق بالأوراق على النحو المبين بالتحقيقات، وحال تواجد كل من المتهمين عبداللطيف.ا، ورضا.س، مسرح الجريمة للشد من أزره لتنفيذ مخططه الإجرامي.
وقال المتهم بقتل الشاب بلال في اعترافاته: اللي حصل إن أنا أمي اشترت شقة في عمارة جانب الكنيسة، وأنا كنت مسافر في السعودية لإني أنا شغال سواق هناك واشترت شقة من حوالي سبع سنين، وحصل مشكلة بينها وبين محمد، من شهرين بدأت تبني المساحة بتاعتها فحصل خلافات، عشان هو مش عايزها تبني ولما هي مسمعتش كلامه كسر الطوب والحاجة اللي لسة معمولة وأمي راحت القسم وعملتله محضر، وأخد محمد.س حكم بأربع شهور حبس.
وأضاف المتهم في اعترافاته: أنا رجعت من السعودية بقالي شهر وإمبارح لما عرفوا موضوع الحكم والدته اللي اسمها آمال طلعت لأمي عشان يحلوا الموضوع وأمي تتنازل على القضية عشان ابن آمال أخد حكم وفعلًا وافقت وقالتلهم حاضر، إنها تتنازل وبعد ما نزلوا محمد.س، كلم أبويا وشتمه في التليفون وقاله هيحصل مشكلة وخناقة لو انت مخلتش مراتك تتنازل وبعدها أمي راحت القسم قعدت مع رئيس المباحث وجاب محمد.س، ووالدته آمال كانت معاهم واتفقوا على التصالح وإن الموضوع هيخلص.
وتابع: رجعنا تحت البيت في شارع شوقي وسبت أمي عند البيت ومشيت عشان أنا كان ورايا مشوار وبعدها بحوالي نص ساعة 2:30 بليل النهاردة 6 أكتوبر 2022 لقيت أخويا بالتبني اسمه عبداللطيف ولقيته بيقولي أمي بتتخانق تحت وحاول تيجي سرعة عشان هي قاعدة تحت في وسطهم وكانوا بيتكلموا وبدأوا يتخانقوا فرجعت علطول بعد ربع ساعة لقيت دينا وآمال وندى وهناء ةجيهان وإبراهيم وبلال ومحمد سعد ومحمود سمير وقلت للناس كلها في الشارع أنا سايب أمي في وسطكم ومينفعش تضربوها وروحت أشوف أمي لقتها مضروبة وهدومها متبهدلة ولقيت ابراهيم ومحمود سمير وبلال ومحمد سعد اتلموا عليا وضربوني وانا واقع في الأرض كان معاهم أسلحة بيضاء وانا ماخدت بالي كان معاهم ايه بالضبط وحد كان معاه شومة ونزلوا فيا ضرب كلهم واحدثوا اصابتي في إصابتين في دماغي وفي إيدي اليمين وأنا واقع في الأرض لقيت حتة صاج وليها سن قدام ورشة الميكانيكي روحت واخدها من الارض وجيه بلال بيمسكني روحت ضربه في صدره ضربة واحدة وبعدها الناس حاشتنا عن بعض وبعد كدة لقيت أمي بتقولي تعالي انت واخوك نروح على المباحث عشان نعملهم محضر ووقفت برا القسم وامي وعبداللطيف دخلوا القسم وهما اتاخروا جوه شوية، ولقيت أمين شرطة بيكلمني بيقولي احنا عايزينك فدخلت القسم عشان أشوف فيه ايه واتحفظوا عليا وفضلت في القسم لحد لما الساعة 10 صباحًا، وعرفت إن بلال توفي ومكنتش أقصد اقتله أنا كان قصدي أضربه بس عشان في الخناقة كانوا كتير عليا.
