داعية إسلامية: التقنيات الحديثة دفعت الأبناء نحو عقوق والديهم
قال الدكتورة نيفين مختار، الداعية الإسلامية، إن العبد العاق لوالديه يرتكب كبيرة من الكبائر، والله سبحانه وتعالى يقطع الصلة به، فيصبح عبدا بعيدا عن الله مقطوعة صلته بربه، لافتة إلى أن عقوق الوالدين يعتبر الكبيرة الرابعة من الكبائر السبع فى الإسلام.
داعية إسلامية: التقنيات الحديثة جعلت الأبناء يعقون والديهم
وتابعت الداعية الإسلامية، خلال تصريحات تليفزيونية: عارف لو أبوك وأمك محتاجين حاجة، وأنت عارف وقادر تساعدهم ومساعدتهمش تعتبر عاق، عارف لو أمك بتعمل شغل البيت وأنتى قاعدة وعاملة نفسك مش واخدة بالك ده يعتبر عقوق، لازم تقدم أبوك وأمك على كل حاجة، رفقا بيهم اوعى تضايقهم أو تكون أمك أو أبوك على قدهم فى الفهم وتقول اسكت أنت مش فاهم حاجة اوعى تحاول تثبت إن أمك أو أبوك غلطان وهم ممكن يكونوا غلطانين، بس اوعى تواجههم وتعمل عليهم قاضى فى أمر يخصك اوعى حتى لو غلطوا ده عقوق أوعى تشوح لهم بأيدك أو صوتك يعلى عليهم كل ده عقوق.
واستكملت الداعية الإسلامية: شوفى المجتمعات دى واللى بيحصل فيها من عقوق الوالدين، من الشباب والأجيال الراهنة المظلومة التى توفرت لها تقنيات حديثة، كل حاجة متاحة، ده سبب إنك تلاقى شاب أمه ست بسيطة ريفية تكلمه في حاجة يقولها أنتى عارفة أنا بفكر إزاى أنتى مش فاهمة حاجة وده عقوق والله اللى بيعمل كله يتخاف عليه.
