مي عمر: مبحبش الست خرابة البيوت.. والراجل لو هيتجوز عليها لازم يخلي الأولى توافق
تحدثت الفنانة مي عمر عن مشاركتها في مسلسل علاقة مشروعة، الذي عُرض في السباق الرمضاني، مؤكدة أنها تخوفت من تقديم شخصية بثينة، بجانب الحديث عن القضايا التي ناقشها العمل.
وقالت مي عمر في لقائها مع الإعلامي رامي رضوان في برنامج مساء DMC: كنت خايفة أقدم شخصيتي في مسلسل علاقة مشروعة لأني بكره الست اللي بتخرب البيت، والست اللي ترضى تعيش زوجة تانية في السر هتعيش تعيسة.
وتابعت مي عمر كاشفة عن رأيها في الزواج الثاني للرجل، قائلة: اللي يتجوز جواز تاني لازم يعرف مراته الأولى وتكون هي موافقة، واللي هيتجوز جواز تاني في السر يعني أكيد غلطته هو.. وفي ناس بتتجوز جوازة تانية وبلاش كلام في حاجة ناقصة في حياته وكده، ما لو في حاجة ناقصة في حياته مكمل ليه؟! لو حاجة ناقصة في حياته يسيبوا بعض.
وعن القضايا التي ناقشها مسلسل علاقة مشروعة، قالت مي عمر: ناقشنا العنف ضد المرأة والتفكك في الأسرة الأطفال بيتصرفوا إزاي، ودول أهم القضايا اللي ناقشها مسلسل علاقة مشروعة.
أبطال مسلسل علاقة مشروعة
مسلسل علاقة مشروعة حقق نجاحا كبيرا وقت عرضه في السباق الرمضاني 2023، وشارك في بطولته مجموعة من النجوم، منهم: الفنان ياسر جلال، الفنانة مي عمر، مراد مكرم، داليا مصطفى، بسنت شوقي، والعمل من تأليف سماح الحريري، وإخراج خالد مرعي.
