قالي هتشتغلي في المساج ومرة واحدة النور اتطفى.. ننشر أقوال المتهمة في قضية فتاة التجمع الأول | خاص
قررت جهات التحقيق بالقاهرة الجديدة، إخلاء سبيل المتهمين في قضية ممارسة أعمال منافية للآداب تحت ستار جلسات المساج، بمنطقة التجمع الأول بالقاهرة، والتي تسببت في ذعر إحدى الفتيات، وإلقائها بنفسها من الطابق الثالث، ولقيت مصرعها في الحال.
ممارسة الدعارة تحت ستار المساج
حصل القاهرة 24 على التحقيقات في القضية رقم 154 لسنة 2023 إداري التجمع الأول وشرع رجال التحقيق في الاستماع إلى أقوال المتهمة أميرة.ح، 35 سنة، وتعمل عاملة كوافير، ومقيمة بالمعتمدية بمنطقة بولاق الدكرور بالجيزة، عن تهمة اعتياد ممارسة الدعارة مع الرجال دون تمييز مقابل مبالغ مالية.
وقالت المتهمة بممارسة الدعارة تحت ستار جلسات المساج أمام رجال التحقيق: اللي حصل إن أنا اتصلت بيا رحمة.أ - المتوفاة - على حوالي الساعة 5 مساءً، وطلبت مني واحدة تنظف الشقة واتصلت على رشا وقلت لها على إن رحمة عاوزة تنظف الشقة، ولما رحت على الشقة لقيت عمر صاحب رحمة قالي أنا هشغلكم معايا، فقلت له فين؟، فقالي إنه هيعمل جلسات مساج، وكان بيكلم ناس وناس بتيجي على الشقة عنده.
وأضافت: عمر خلاني أرد على واحد وخلى رحمة ترد على واحد تاني، والناس دي جت على الشقة، وبعد كده واحد من اللي جم دخل الأوضة ودخلت معاه أحلام، والتاني دخل الطرقة والنور بتاع الشقة أطفى وعمر كان معاه سكينة كبيرة ساحبها ومش عارفة عمل بيها إيه وبعدها النور جه وبعدها عمر نط من الشباك هو ورحمة، ورحمة ماتت على طول وعمر جري من الشارع وبعدها خدونا على النقطة، ومن النقطة قسم التجمع الأول وهو ده كل اللي حصل.
