بعد أزماتها الأخيرة.. شيرين عبد الوهاب في حفل دبي: انتو اللي رجعتوني للدنيا تاني
حرصت الفنانة شيرين عبد الوهاب على توجيه الشكر لجمهورها، بعد مساندته له خلال أزماتها المتكررة في الفترة الأخيرة.
وقالت الفنانة شيرين عبد الوهاب لجمهورها، خلال حفلتها بدبي: مديونة ليكم بكلمتين لازم أقولهم، قد إيه حبكوا وصلي وسؤالكم، وإنتوا رجعتوني تاني للدنيا، أنا ممتنة جدًا ليكم.. ألف شكر على أي حاجة عملتوها علشاني، ونعم الجمهور ونعم الحب.
حفل شيرين عبد الوهاب بدبي
وقدمت الفنانة شيرين عبد الوهاب مجموعة كبيرة من أبرز أغانيها في حفلها المقام الآن على خشبة مسرح كوكاكولا أرينا بدبي، وسط تفاعل كبير من الجمهور، كما أدت أغنية بتونس بيك لـ الفنانة وردة، والعديد من أغانيها المميزة وآخرها أغنية المترو.
سقوط شيرين عبد الوهاب
وتعثرت الفنانة شيرين عبد الوهاب وسقطت بسبب السماعات المتواجدة على خشبة المسرح، ووجهت رسالة قوية للمنظمين، حيث قالت: شوفوا والله.. بجد شوفوا كل فنان حصل معاه موقف زي ده بسبب السماعات ديه المفروض تتدفن في المسرح عشان المطرب ميفعش.. ولكن للأسف المنظمين عمرهم ما بيتعلموا.. ولكن عادي ما يقع إلا الشاطر.
وتابعت شيرين عبد الوهاب: بجد حاجة صعبة.. ودلوقتي بكره على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا.
