كريم فهمي: السوشيال ميديا أكبر كدبة عشان كله فيها مكسر الدنيا ونمبر وان
كشف الفنان كريم فهمي رأيه في التأثير السلبي لمواقع التواصل الاجتماعي في الفترة الأخيرة، مؤكدًا أنها أكبر كذبة.
وكتب الفنان كريم فهمي منشورًا، خلال حسابه الرسمي بموقع التواصل الاجتماعي فيس بوك، متحدثًا عن التأثير السلبي للسوشيال ميديا، قائلًا: لما كله يبقي مكسر الدنيا ونمرة 1، ومصدقين الكدبة، لما الأشكال كلها حلوة بفلاتر ومصدقين الكدبة، لما الكل يبقي بيفهم كل حاجة رياضة، فن، سياسة، ومصدقين الكدبة.
وتابع كريم فهمي: لما ناس تشتم حد من ورا شاشة، وعاملين نفسهم رجالة، ومصدقين الكدبة لما حاجات كتير أوي يبقى إحنا في حضرة السوشيال ميديا أكبر كدبة.
رد الفنان كريم فهمي على أحد الأشخاص
ورد الفنان كريم فهمي على تعليق أحد الأشخاص طالبه بمسح المنشور، وقاله: طب ما تقفل الأكونت بتاعك السوشيال اللي بتقول عليها دي مكنش حد عرفكم، وعلق الفنان كريم فهمي: بس يا حبيبي بس يا شاطر، اتفضلوا يا جماعة عينه من تالت نموذج أنا كاتبه.
وتابع الشخص: إنت اتضايقت عشان بقول كل حاجة فيها الصح والغلط، إنت تنتقد نفسك كده إنت من غير السوشيال مفيش شغل ليك.
ورد الفنان كريم فهمي مرة أخرى على هذا الشخص، حيث قال: ليه يابني هو أنا بلوجر؟ أنت بتقول إيه يا حبيبي، أرجوك بس، قول رأيك براحتك بس متقولش أي كلام عندي بعد إذنك.
