مروان موسى: في أوحش فترات حياتي بلجأ للراب كمستمع.. والجيل الجديد لازم يكون مختلف
كشف مطرب الراب مروان موسى تفاصيل تجربته في توزيع أغاني الراب، كما وجه نصيحة للجيل القادم في مجال الراب.
وقال مروان موسى، خلال أحد اللقاءات التليفزيونية: لازم الجيل الجديد يبقى عنده شخصية، ولازم يعمل حاجة جديدة في اللغة، ولازم يبقى فيه اختلاف، وفكرة الاختلاف محدش بيركز فيها، لو حد اختلف هتلاقيه مسمع مع الناس.
وعن مطربه المفضل، قال مروان موسى: وأنا صغير أول حد عرفته كان إيمنيم وفيفتي سينت، وكان عندي 10 سنين وكنت بسمع ناس مش معروفة، وبحب أسمع ناس في إنجلترا، وفي أوحش فترات حياتي بلجأ للراب كمستمع وبينسيني مشاكلي.
وأكمل مروان موسى حديثه عن تجربته في توزيع الأغاني، قائلا: زمان كنت بحب أكون موزع موسيقى أكتر، وبعدين كنت ببعتها للناس ومعجبنيش طريقة الأغاني على الموسيقى، وبدأت أكتب وأغني أنا لنفسي.
مروان موسى: الرابر اللي هيعمل الفلوس مش التوزيع
واختتم مروان موسى حديثه عن الاختلاف بين التوزيع وغناء الراب، قائلا: في 2020 فترة كورونا كنت زهقان من الراب، ورجعلي الشغف ده وبقيت أحفظ الأغاني بشكل أكبر، والرابر اللي هيعمل الفلوس مش التوزيع.
