لعيب كورة وجدع مع كل الناس.. ووالدته: جابر اتقتل عشان بيدافع عن جاره وفرحه كان الشهر الجاي |فيديو
شهدت منطقة الساحل التابعة لمحافظة القاهرة واقعة مأساوية؛ حينما أقدم عاطل على قتل شاب يدعى جابر عبد العاطي يبلغ من العمر 21 عاما؛ بسبب دفاعه عن جاره الطفل، وخطط المتهم لقتله وطعنه طعنة نافذة في الرقبة أودت بحياته.
مقتل شاب بسبب دفاعه عن صبي بالساحل
وتواصل القاهرة 24 مع أسرة الشاب الضحية لكشف ملابسات الواقعة وقالت والدة المجني عليه، إن نجلها لم يفتعل أي مشكلات طوال حياته، حيث إنه في يوم الواقعة كان يسير في الشارع ولاحظ نشوب مشاجرة بين عدد من الأشخاص وتعديهم على صبي بالضرب، وعلى الفور تدخل من أجل الدفاع عنه.
وأضافت والدة المجني عليه: ابني كان ماشي في الشارع ولقي ناس بيتخانقوا وماسكين عيل صغير بيضربوه، فـ اتدخل عشان يحوش عنه وقالهم حرام عليكم راح واحد منهم قاله انت مالك ومسكه زقه وضربه بالمطواة في رقبته ودراعه.
وأوضحت والدة المجني عليه، أنها علمت بما حدث مع ابنها عندما سمعت أصوات صراخ في الشارع، وعلى الفور توجهت لمعرفة ما الذي يحدث فوجدت نجلها مقتولًا، قائلة: لقيت الناس بتقول فيه قتيل روحت لقيته ابني.. فضلت أصرخ وأعيط في الشارع.. ابني كان هيتجوز الشهر اللي جاي ملحقتش أفرح بيه.
جابر اتقتل عشان بيدافع عن جاره وفرحه كان الشهر الجاي
ومن جانبها، أشارت خالة المجني عليه إلى أن نجل شقيقتها من المفترض إقامة حفل زفافه الشهر المقبل، موضحة أنه كان يتيمًا بسبب وفاة والده، وعلى الرغم من ذلك فكان يعيش من أجل إسعاد والدته، مختتمة: جابر كان يتيم واتربى وعاش يتيم من غير أبوه.. كان عايش عشان أمه اللي حزنت عليه لأنه كان هيتجوز الشهر اللي جاي.
وكانت البداية عندما تلقى قسم شرطة الساحل بلاغا من الأهالي يفيد بالعثور على جثة شاب في العشرينات من عمره، وانتقلت الأجهزة الأمنية لمحل البلاغ مصحوبة بسيارة إسعاف، وتم نقل الجثة إلى المشرحة لانتداب الطب الشرعي لإجراء الصفة التشريحية وبيان سبب الوفاة، وتم تحرير محضر بالواقعة وتولت النيابة التحقيق.
وفي سياق آخر، تصدر محكمة جنايات بلبيس بمحافظة الشرقية، اليوم الثلاثاء، الحكم على الأب المتهم بالتعدي الجنسي على نجلته التي تبلغ من العمر 12 عاما، حيث استغل الزوج غياب زوجته المريضة التي احتجزت داخل المستشفى لتلقي العلاج وأقدم على هتك عرض ابنته وأنجب منها طفلة.
أقوال الأب المتهم بهتك عرض ابنته
وحصل القاهرة 24 على نص التحقيقات في القضية التي حملت رقم 4479 لسنة 2022، والمعروفة إعلاميا بهتك عرض طفلة من والدها بالشرقية.
وجاء في صدر أوراق القضية، أقوال الأب المتهم بهتك عرض ابنته، وحملها منه سفاحًا، وجاءت أقواله كالتالي: اللي حصل إن فيه مشاكل زوجية ما بيني وبين مراتي، بسبب إنها كانت عيانة، وهي وأهلها قالوا عليا إني مبصرفش عليها، وسابت البيت وقعدت عند أمها حوالي سنة تقريبا، وخلال الفترة دي مكنش في أي علاقة جنسية بيني وبينها أو بین أي ست تانية.
وتابع الأب المتهم بهتك عرض ابنته وحملها منه سفاحا بالشرقية: في يوم كنت راجع باليل، وكان شيطان وزني ودخلت جنب بنتي ومعرفش حصل إزاى بس، وأنا قلعتها البنطلون والملابس الداخلية لعند نص رجلها وأنا قلعت البنطلون بتاعي، وعاشرتها زى ما بعاشر مراتي، وبعدها قمت من السرير جنبها وساعتها قعدت ألوم نفسي على اللي عملته.
وتابع: وبعدها بيومين وفي ساعة شيطان دخلت على بنتي وهي نايمة وعملت معاها زي ما عملت المرة اللي فاتت، وتكرر الموضوع مرة كمان، ومن حوالي أسبوع تقريبًا أنا كنت بعت أولادي يشقروا على حماتي وأمهم، ولما رجعوا قالوا ليا إن ستهم وأمهم تعبانة ومش معاهم فلوس وطلعت فلوس من معايا وقولت لهم ردوا عليهم.
وأكمل: وصلتهم لعند هناك وبعد العشاء كلمني أخو مراتي وقالي إن بنتي حامل، وأنا من كتر الصدمة رميت التليفون وهو بيكلمني، ورجعت أخدته تاني وقولت له إنت بتقول إيه فقالي إن بنتي حامل، وأبويا كلمني وقال إن الحكومة بتسأل عليك فروحت المركز سلمت نفسي وقولت لهم على كل اللي حصل وجيت على هنا وأنا ندمان على اللي عملته.
