سيدة تدّعي زواجها من الشيخ عبد الله كامل: اتجوزته 6 شهور وعاوزة حق بنتي
ظهرت سيدة تدعى رحمة وادعت أنها كانت متزوجة من الشيخ عبد الله كامل، والذي رحل عن عالمنا في صباح يوم الخميس الماضي 27 أبريل 2023 في الولايات المتحدة الأمريكية بمسجد التوحيد في ولاية نيو جيرسي.
سيدة تدعي زواجها من الشيخ الراحل عبد الله كامل
وتواصل القاهرة 24 مع السيدة لكشف ملابسات الواقعة، وقالت السيدة رحمة إنها تعرفت على الشيخ عبد الله كامل عندما كانت تعاني من بعض المشكلات واستشارته في أمور دينية، لافتة إلى أنه كان يعاني في هذا الوقت من مشاكل أسرية أيضًا لانفصاله عن زوجته - على حسب روايتها -.
وأضافت أنها كانت أرملة وبعد ذلك تزوجت من الشيخ الراحل عبد الله كامل بعقد زواج رسمي وأنجبت منه طفلة، حيث أن زواجهما استمر لمدة 6 أشهر فقط؛ لأنهما انفصلا عن بعضهما بعد عودته لزوجته الأولى مرة أخرى، موضحة أنه كان متزوجًا من سيدة أخرى أي لديه 3 زوجات.
وتابعت: أنا كل اللي عايزة أقوله إن الشيخ عبد الله كامل معندوش 3 أبناء لأ هو عنده 5 أبناء.. عنده بنت من الزوجة الأولى وعنده 3 أولاد من الزوجة اللي كانت على ذمته قبل وفاته.. وعنده بنته اللي خلفها مني.
وأوضحت أنها عندما زارت أسرة الشيخ عبد الله كامل من أجل تقديم واجب العزاء لهم، أخبروها أنهم كانوا يعلمون بأنه لديه ابنة وكانوا مرحبين بالأمر بشكل كبير، قائلة: أنا كنت لازم أتكلم وأعرّف الناس عشان فيه البعض منهم كان بيشكك في الموضوع ده.. وطلعت عشان حق بنتي ميضعش كفاية إنها يتيمة واتحرمت من أبوها.
سيدة تدّعي زواجها من الشيخ عبد الله كامل: اتجوزته 6 شهور وعاوزة حق بنتي
وفي سياق آخر، شهدت منطقة البساتين التابعة لمحافظة القاهرة واقعة مأساوية، حينما أقدم عامل رخام، 32 سنة، على طعن مسن يدعى حسن عبدالرحمن حسن بسلاح أبيض “مطواة” أنهت حياته في الحال، وإصابة نجله بجروح بعد حدوث مشاجرة بينهم.
وحصل القاهرة 24 على التحقيقات في القضية وجاءت أقوال المتهم كالتالي: اللي حصل أني كنت معدي من شارع عويس حسن في منطقة بيرم سلطان، وكان معايا واحد صاحبي، واحنا ماشيين لقينا الحاج حسن قاعد قصاد البيت بتاعه وماسك خرطوم مياه بيرش الشارع بيه، وبعدين سألته على محل موبايلات فلقيته بيقولي شوف بيت الراجل هتلاقيه فهزرت معاه مش فاكر بقوله ايه فشتمني، وقالي غور من هنا ياض فشتمته فلقيت عيال الراجل طالعه من البيت وبيتخانقوا معايا فلقيتهم بيتكتروا عليا مع أبوهم.
أقوال المتهم بقتل مسن وأصابه نجلة بالبساتين
وأضاف المتهم: أنا كان معايا مطواه قرن غزال بمشي بيها عشان أنا كنت مخاصم ناس، فكان لازم أشيل حتة سلاح عشان أدافع عن نفسي بيها فروحت مطلعها أدافع عن نفسي لقيت الراجل وولاده بيتكاتروا عليا، فروحت ضربت المطواه في صدر الراجل معرفش جت فين بس لقيت دم بينزل منه كتير.
وتابع المتهم: صورت ابنه عشان ضربني بالشومة ساعتها وبعد كده طلعنا نجري لما لقينا الراجل واقع في الأرض، وكنت رايح مستشفى اليوم الواحد علشان أخيط الإصابات اللي في رأسي لقيت الحكومة راحت وخداني، وبيسألوني عن المطواه اللي كانت معايا وهي وقعت وأنا بجري علشان شوفت الراجل وقع في الأرض، وجيت على هنا وهو ده كل اللي حصل.
