بيولعوها.. أستاذة بالأزهر للزوجة: متحكيش مشاكل البيت لصديقتك ولا تنشريها ع الفيس
حذرت الدكتورة حنان عبدالعزيز، أستاذ الحديث وعميدة كلية الدراسات الإسلامية والعربية للبنات بجامعة الأزهر، من إفشاء أسرار البيت والمشاكل مع الأزواج أو الزوجات على مواقع التواصل الاجتماعي، أو للأصدقاء، مؤكدة أن هذا الأمر يعتبر سبب رئيس في تفاقم المشكلات والوصول إلى طريق مسدود بين الطرفين.
وتابعت عميدة كلية الدراسات الإسلامية والعربية للبنات بجامعة الأزهر، في تصريحات تلفزيونية، اليوم الأربعاء: خلى كلامك مع أصدقائك عن حاجات مفيدة فقط بلاش نتكلم مشاكل البيوت، أبعدوا النقطة دي عشان هتلاقوا ردود هتزيد من المشاكل أكتر، اتكملى مع صاحبتك إزاى نربي العيال صح، أنشرى على الفيس نصايح مفيدة وعيشوا صداقة مفيدة بعيدة عن بيوتكم، لأن في ناس معندهاش الخبرة الكبيرة اللى تفيدكم ممكن تقول لك نصيحة تفسد حياتك.
واستكملت: شوفوا لو واحدة نشرت مشكلة لها الفيس، وممكن تكون مشكلة بسيطة، تلاقى بقى ردود توغر صدرك على زوجك وحماتك، وتولع البيوت، البنات المثقفات الواعيات عارفين المشاكل تتحل إزاى وعارفين إن الحياة كلها ضغوط، والمهم نعرف نحل إزاى عشان لا تفشل.
