أمين الفتوى يحذر: مش أي حد تقي ناخد منه فتوى
رد الشيخ عويضة عثمان، أمين الفتوى بدار الإفتاء المصرية، على سؤال متصلة تدعى أم أحمد، تقول إنها طلقت طلقة بائنة من زوجها، ورجعت إليه عرفيا دون مهر أو عقد، لرفض أهلها وأهل طليقها عودتهما، وأن أحد الشيوخ أبلغها بأنه حلال، لكنها تريد أن تعرف هل ما فعلته حلال أم حرام؟.
أمين الفتوى يحذر: مش أي حد ظهر عليه التقوى ناخد منه فتوى
وقال أمين الفتوى بدار الإفتاء المصرية، خلال برنامج فتاوى الناس المذاع على فضائية الناس، اليوم الخميس: طبعا أنتى طُلقتِ طلقة بائنة، ولازم العودة تكون بمهر وعقد جديدين، ودي من الأمور اللى بيقع فيها كثيرين ونلاقى المرأة اللى رجعت من طلاق بائن نتيجة خطأ في الفتوى، وبنقول ليس كل من فيه الصلاح والتقوى نأخذ منه فتوى، العلم والصلاح شيء وعلن الفتوى شيء آخر".
واستكمل أمين الفتوى: يعني عشان ترجع لازم عقد وشاهدين ومهر، اللى عملته خطأ مفيش الشرط الشرعي للرجوع، وبنقول للأهل لما تلاقي أختك عاوزه ترجع لزوجها خليها ترجع، وارجعي بعقد وشهود ومهر.
وخلال الحلقة، حذّر الشيخ عويضة عثمان، أمين الفتوى بدار الإفتاء المصرية، من الإفتاء بدون علم، قائلا: عدم التجرأ على الفتوى أمر مهم، سيدنا عبد الله بن مسعود رضى الله عنه، كان يتكلم عن الإفتاء، وقال: من أفتى فى كل ما يسأل عنه فهو مجنون.
وأوضح أمين الفتوى بدار الإفتاء المصرية، خلال مداخلة هاتفية لبرنامج فتاوى الناس المذاع على فضائية الناس، اليوم الخميس: مفيش حد عنده فتوى لكل حاجة، أنت متعرفش قول معرفش أو هسأل أو هبحث أو هشوف، ده عامر بن شراحبيل الشرحي قال: إن أحدكم ليفتي في المسألة ولو وردت على عمر بن الخطاب رضي الله عنه لجمع لها كبار الصحابة.
