المتهم ببيع ابنته على فيس بوك: ظروفي صعبة وقلت أي حد هيربيها أحسن مني | خاص
حصل القاهرة 24 على التحقيقات في القضية التي حملت رقم 12061 لسنة 2023، والتي حوت إقدام المتهم ببيع ابنته، الشخص وزوجته على بيع ابنته طفلة حديثة الولادة، لم تبلغ من العمر سوى يومين، على إحدى صفحات موقع التواصل الاجتماعي فيس بوك، مقابل 150 ألف جنيه.
بيع طفلة حديثة الولادة على فيس بوك
جاء في تحقيقات قضية بيع طفلة حديثة الولادة على فيس بوك، أنه تم رصد عرض صفحة على موقع فيسبوك باسم “صحاب يعني”، و"صحاب بع حسبو"، طفلة حديثة الولادة للبيع بمقابل مادي، وبإجراء التحريات والاستعانة بالوسائل العلمية الحديثة، توصل إلى أن صاحب الصفحة هو المدعو عادل.س، المتهم ببيع طفلة حديثة الولادة ابنته على فيس بوك، وعليه تم التواصل معه عن طريق أحد المصادر السرية.
وأكد المتحرى عنه رغبته وعزمه على بيع طفلة حديثة الولادة عن عمر يومين، مولودة بتاريخ 9 مارس 2023، مقابل مبلغ 150 ألف جنيه، وعليه حضر المتحرى عنه لمقابلة دائرة قسم الهرم، وتم ضبطه وبصحبته سيدة المصدر السري أمام موقف ميدان الرماية.
استدعت جهات التحقيق، الأب المتهم بعرض ابنته للبيع على فيس بوك، وجاءت أقواله أمام جهات التحقيق كالآتي: أنا متجوز وعندي 3 عيال وللأسف معرفتش أربيهم كويس، ولا حتى أعلمهم، فكنت أنا ومراتي بسمة متفقين إننا مش هنخلف تاني، خصوصًا أن الأوضاع دلوقتي بقت صعبة وفلوسنا قليلة علينا، لكن اللي حصل أن في نص سنة 2022، عرفنا أن مراتي حامل، فإحنا اتفقنا إننا هنسقط الجنين بس لما رحنا لدكتور قال إن ده ممكن يكون في خطر على حياة مراتي فمسقطناش الطفل، بعد كدة فكرنا في أن ناس كتير مبيخلفوش، ونفسهم في طفل، فاتفقت مع مراتي أننا نعرض الطفل للتبنى لما يتولد، وبكده نكون اديناه لحد ممكن يربيه أحسن مننا، وفي نفس الوقت نشيل حمله عن كتافنا، وکمان ناخد فلوس مقابل اننا نديه لحد.
أضاف الأب المتهم ببيع ابنته على فيس بوك: أنا دورت على جروبات على الفيسبوك لقيت جروب اسمه تبني أطفال أيتام رغم بعد المسافات، ونشرت عليه بعرض أن حد يتبنى طفل لسة مولود، وفعلا لقيت ناس دخلت تكلمني وتطلب مني، ومنهم واحد اسمه كلمني على الماسنجر قال إن اسمه مصطفى، وأنه بتاع قطع غيار عربيات، واتفق معايا أنه ياخد الطفل مني لما يتولد، وأنا طلبت فيه 150 ألف جنيه وهو وافق، وفضلنا على اتفاقنا ده لحد ما مراتي ولدت بنت وأنا اتفقت مع مصطفى ده إنه يقابلني بعدها بيومين في ميدان الرماية، وبعدها ولقيته راكب عربية فلما رحت أنا ومراتي للعربية لقينا الحكومة جت قبضت علينا وخدونا قسم الأحداث.
