شيرين دياب عن رسالة تحت الوصاية: نطالب بالوصاية للأم تحت رقابة المجلس الحسبي لأنها في القانون ذكورية
تحدثت المؤلفة شيرين دياب عن رسالة مسلسل تحت الوصاية بطولة الفنانة منى زكي، وبجانب ذلك حديثها عن هدف ورسالة العمل.
وقالت شيرين دياب خلال حوارها مع القاهرة 24: مش بنطالب بـ إلغاء المجلس الحسبي، احنا بنطالب الوصاية تكون للأم تحت رقابة المجلس الحسبي مش الجد اللي يقرر ليها ايه أو هي محتاجة ايه، بس اللي بيتكلم باسم الأطفال يكون حد عايش معاهم مش بعيد.. الوصاية في القانون ذكورية وده فكر غريب.
وعلى جانب آخر، أشادت شيرين دياب بأداء الفنانة منى زكي، ومجهود المخرج محمد شاكر خضير، قائلة: من ضمن الإضافة كان معانا مخرج عبقري هدفه الرئيسي مصلحة المشروع، وكمان العبقرية العظيمة اللي ربنا رزقنا بيها ومتخيلتش أي حد يقدر يعمل الدور زيها الفنانة منى زكي، وكل اللي اشتغلوا في المسلسل اختيار رائع من المخرج العبقري محمد شاكر خضير.
مسلسل تحت الوصاية
عرض مسلسل تحت الوصاية في السباق الرمضاني 2023 وحقق نجاحًا كبيرًا، وضم عدد كبير من النجوم أبرزهم، منى زكي، أحمد خالد صالح، مها نصار، رشدي الشامي، علي صبحي، أحمد عبد الحميد، خالد كمال، دياب، جميل برسوم، الطفل عمر شريف، وعدد آخر من الفنانين، والعمل من تأليف خالد وشيرين دياب وإخراج محمد شاكر خضير.
