جورج وسوف يروي مواقف غريبة له مع معجبين: واحد قالي مش بحبك
تحدث الفنان جورج وسوف، عن بعض مواقف التي حدثت له مع معجبين، وذلك خلال لقائه في قناة mbc العراق.
وقال جورج وسوف خلال لقائه: اللي ضايقني لما معجب ليا شافني في مرة ورمى نفسه من فوق لتحت، وقع واتكسر وأخدوه وهو مكسور كنوا هيضربوه بس قولتلهم خلاص سيبوه ورجعوه لمكانه، وقولت للجمهور بكرة هتدفعوا التمن لو عملتوا زيه.
كما تحدث جورج وسوف عن موقف آخر حدث معه، قائلًا: كنت في مطار الأردن وقابلت ظابط في الجوازات قالي أنا مش بحبك، قولتله ماشي بس هييجي يوم وتحبني، وبعد 7 سنين وصلت الأردن وقابلني وقالي أنا نفس الشخص اللي قولتلك مش بحبك بس دلوقتي أنا بحبك من قلبي وبموت فيك زي ما قولتلي إني هحبك وفرحت من قلبي بالموقف ده.
من ناحية أخرى، تحدث جورج وسوف، عن موقفه من موسيقى الجيل الحالي، الذي وصفها بأنها تفتقر لـ صناعة اللحن، قائلا: الأيام كلها اتبدلت والزمن الجميل للفن والغناء راح، وفي شباب بتغني بتكنيك بيخوف وتنفيذ الموسيقى بتاعتهم خطير وأجمل من الأول، بس صناعة اللحن صفر عندهم، كل الألحان بقت زي بعض، لأن صناع الألحان كلهم ماتوا واللي باقي منهم نفسيتهم تعبت من اللي بيسمعوه.
في سياق آخر، أكد جورج وسوف أنه قدم كل شيء في حياته وسعد ما قدمه ولديه أبناء وقام بتربيتهم تربية صالحة موضحًا: أنا عملت كل حاجة في حياتي، اتبسطت، عندي ولادي وربيتهم تربية صالحة والحمد لله اسمي بالمجتمع كله نضيف، وحياتي كانت صعبة جدا وفيها المر والحلو، وبحب لما أمر بمشكلة أستمتع بصعوبتها، وأي شخص بيحاول يستفزني أو يعملي إحباط بقوله مستحيل وأنت الخسران.
