والد زوجة حسن شاكوش: بنتي بريئة من الاستيلاء على نصف مليون جنيه والأمن فتشها قبل خروجها
قال طارق السيد والد ريم زوجة مطرب المهرجانات حسن شاكوش: "أنا وبنتي نتعرض لضغوط غير عادية وتهديدات تمس الأسرة والعرض والشرف".
هذا كلام غير صحيح
وأضاف والد ريم زوجة مطرب المهرجانات حسن شاكوش خلال تصريحات تليفزيونية: من 5 دقايق حسن شاكوش كاتب إن بنتي استولت منه على مبلغ نصف مليون جنيه وهذا كلام غير صحيح، بنتي خرجت من الكومبوند والأمن فتش سيارتها ومكنش فيها أي فلوس.
وأردف قائلا: حسن شاكوش بيهددني بإنه فوق القانون في مصر.
سأتحرك من أجل الحفاظ على حقوق ابنتي
وأوضح والد ريم زوجة مطرب المهرجانات حسن شاكوش: "لو بنتي كانت متجوزة وأنا دلست على حسن شاكوش يروح يشتكيني في النيابة العامة ويثبت صحة كلامه، وحينها سأتحرك من أجل الحفاظ على حقوق ابنتي والتشهير بها".
وأكد والد ريم زوجة مطرب المهرجانات حسن شاكوش: بنتي خرجت من بيتها يوم الثلاثاء حاولنا نصلح ما بينهم رفض يدخلها الكومبوند، وإنها حتى تاخد ملابسها ومتعلقاتها الشخصية، وعلشان كده قراري مفيش تصالح وبنتي مش هتكمل معاه.
