مؤلف فيلم قمر 14: محبتش يتقال على الفيلم رومانسي لأن الهدف منه عدم الحكم على الناس من الخارج
تحدث المؤلف محمود زهران، عن رأيه في فيلمه قمر 14، مؤكدا: محبتش إن الفيلم يتصور في إطار رومانسي لأن دي مكنتش الفكرة الأساسية.
وقال محمود زهران خلال ندوة بجمعية الفيلم: فكرة الإخراج والتأليف حاجتين ملتصقتين، كنت عامل أفلام ومشارك فيها كـ مخرج منفذ ومؤلف، وأنا من الأشخاص اللي بحب يكون في حد تاني نتشارك في وجهات النظر، بدلا من وجود شخص واحد صاحب وجهه نظر واحده.
وأضاف زهران: أنا وهادي الباجوري نعرف بعض كويس جدًا، وأنا مخرج منفذ معاه في كل الأفلام تقريبا، وبنفهم بعض بشكل كبير، ومسرحية كوكو شانيل أصر هادي إني أشارك في الكتابة مع السيناريست مدحت العدل.
واستكمل حديثه عن فيلم قمر 14: في حاجات مش بحبها في قمر 14 أنه اتصور مثلا كفيلم رومانسي، وهو في الأساس فكرته أنك تشوف الناس بتحكم إزاي على الحاجات وهما براها، وفي تأثير بالمناخ اللي حواليك وكان صعب جدًا في 2020 أنك تكتب نهايات سعيدة وقت الحبسة في البيت.
واختتم زهران حديثه: الفيلم مبني على 4 بدايات لنهاية واحدة، والنهاية التي حدثت هي الأسلم لـ لأربع قصص، والفكرة أن الفيلم بيتشاف من خلال عين مين.
فيلم قمر 14
ضم الفيلم عدد كبير من النجوم أبرزهم، خالد النبوي، شيرين رضا، خالد أنور، أحمد حاتم، أسماء أبو اليزيد، وعدد آخر من الفنانين، والعمل من إخراج هادي الباجوري.
