المتهمة بقتل زوجها بروض الفرج: استغل إني شغاله عنده وأفقدني عذريتي | خاص
كشفت التحقيقات تفاصيل جديدة في قضية مقتل مسن على يد زوجته بمعاونة صديقها بـ روض الفرج، حيث أقرت بوجود اتفاق فيما بينها والمتهمين على تقديم مشروبات تحوي عقاقير مضادة للاكتتاب ومهدئة ومنومة للمجني عليه، ومساعدته على احتسائها وذلك من خلالها، والمعدة والمجهزة من قبل المتهم الثاني والثالث.
أفقدني عذريتي واتجوزني عرفي.. التحقيقات في مقتل مسن على يد زوجته في روض الفرج
وحصل القاهرة 24 على التحقيقات في القضية التي حملت رقم 3869 لسنة 2022، وننشر أقوال المتهمة بقتل زوجها في التحقيقات كالتالي:
اعترفت المتهمة بقتل زوجها أمام رجال التحقيق، وقالت أنا اتولدت في روض الفرج وأمي الله يرحمها هي اللي ربتني، لأن أبويا طلقها وهي حامل فيا، وأمي مرضيبتش تتجوز لحد ما دخلت كلية تجارة جامعة حلوان لحد ما ربنا افتكرها يوم 2 أبريل 2021، ومن بعدها مبقاش ليا حد في الدنيا، وكان جارنا اللي في البيت اللى قدمنا اللى اسمه أحمد ك، مهتم بيا وكان بيسأل عليا على طول، وساعات كان بيدينى فلوس وأنا أقبل غصب عني علشان مصاريفي كثير علشان الجامعة.
وأضافت المتهمة بقتل زوجها بروض الفرج في اعترافاتها أمام جهات التحقيق: اشتغلت منظفة في البيوت لحد ما قابلت شاب معرفش غير إن اسمه أحمد وشغال بتاع صابون، قالي إن فيه راجل مسن اسمه سيد.ع، محتاج واحدة تجيله يوميًا تنظفله البيت، وروحت لبيت سيد واشتغلت عنده وكان في البداية محترم معايا، لكن بعد كده لاحظت إنه بيفكر فيا بطريقة شمال، لحد ما وصل للى هو عايزه وأقام علاقة جنسية معايا وأفقدني عذريتي، وفضلت أضغط عليه لحد ما كتب عليا ورقة عرفي.
وأقرت المتهمة بقتل زوجها أمام رجال التحقيق: أنا طبعا كنت حكيت لأحمد كامل عن اللي حصل معايا وإني هتجوز سيد عرفي فجه شهد على العقد هو وعلي ولقيت علي بيقولى أنا جايب عصير للحج سيد، وحاطت فيه منوم وإنتى لازم تشربيه العصير عشان أنا متفق مع أحمد كامل ومالكيش دعوة إنتى بأي حاجة فأنا بصيت وقتها لأحمد كامل على أساس إن إزاي أعمل كده مع جوزي سيد العجمي لقيته بيقولي اسمعي الكلام على لأحسن افضحك عند خلانك وأقولهم إن فيه راجل كبير أفقدك عذريتك واتجوزك عرفي فسمعت كلامه هو وعلي.
