أول تعليق من حفيدة الشيخ محمد رفعت بعد تراجع محافظة القاهرة عن هدم المقبرة
علقت هناء رفعت حفيدة الشيخ محمد رفعت، بعد التراجع عن قرار هدم مقبرة الشيخ محمد رفعت قائلة: كنا في كابوس والدنيا نورت في وشنا وبقالنا يومين مش عايشين، الحمد لله ربنا كرمنا وروح الشيخ رفعت راضية عننا.
وقالت حفيدة الشيخ محمد رفعت في تصريح لـ القاهرة 24: مكنتش أتخيل كل الحب ده الناس كانت بتبكي أكتر مننا، وبشكر كل حد كان واقف معانا وكل محبي الشيخ محمد رفعت.
وتابعت: كنت خايفة جدا ليكسروا اللحد، والموضوع كان كبير، وربنا كرمنا من نفحات الشيخ رفعت في ذكرى ميلاده ووفاته.
وتراجعت محافظة القاهرة عما أثير بشأن إزالة مقبرة الشيخ محمد رفعت، وتسليم رفاته لأسرته.
ومن جانبه، قال علاء حسين محمد رفعت، حفيد الشيخ محمد رفعت: المدفن ده بنعتبره مقام، وبيجيله زوار من كل بلاد العالم وآخر مرة زرت فيها القبر كان في وقفة عيد الفطر، ولما الهنود شافوني كانوا عايزين يبوسوا إيدي لما عرفوا إني حفيد الشيخ.
وأضاف حفيد الشيخ محمد رفعت: أول من دفن بالمقبرة كان الشيخ محمد ودفن في لحد، وأعقبه زوجته، ثم أبناء الشيخ محمد، والمقبرة مقتصرة على أسرة الشيخ رفعت فقط.
