عمر كمال: بسجل القرآن دون مقابل.. وقللت الشغل مع الرقاصات بسبب الانتقادات
قال المطرب عمر كمال، إنه يحترم الراقصات ومهنتهن للغاية، ولكنه بشكل شخصي قرر أن يقلل من ظهورهن معه في كليباته، كما حرص على الاعتذار عن أي مرة سابقة تفاخر فيها بأمواله.
وقال عمر كمال خلال لقائه مع القاهرة 24: أنا بحترم الرقاصات وبقدر شغلانتهم جدا، وهي لو وحشة أو حلوة فده لنفسها مش ليا، بس الفكرة إن الناس بتنتقدني بسبب ظهور الرقاصات معايا دايما في أغنياتي، فقلت عايز أقلل ظهورهم شوية، ومثلا أغنية النهاردة فيها نغمات بترقص وكان ممكن نجيب فيها رقاصة بس مرضتش.
وتابع عمر كمال: فيه ناس بتجيلي أسجل قرآن، وبعمل ده من غير فلوس لأن دي صدقة جارية ليا، وهحاول الفترة الجاية أسجل أدعية بس مجتش فرصة لسة.
وحرص عمر كمال، على الاعتذار لجميع جمهوره، من خلال القاهرة 24، عن أي مرة سابقة، تفاخر فيها بأمواله أو سياراته، قائلا: بطلت أقول إني معايا ملايين وكذا، وبعتذر من إني في يوم من الأيام اتباهيت أو اتكبرت بفلوس أو عربية، لأني حابب أظهر للجمهور بأعمالي فقط.
عمر كمال عن موت الفجأة: بحاول أبطل أي حاجة غلط
واختتم عمر كمال حديثه: بخاف من موت الفجأة للشباب لأني سني صغير، وبتمنى ربنا يخلينا مستعدين دايما، فبحاول أحترم نفسي في شغلي ولو بعمل حاجة غلط أبطلها، وكان عندي مشروع جواز بس وقف.
