صافيناز: أحسن شيء للإنسان يكون عنده فرصة يصلي حتى لو عشر دقايق قبل ما يموت
تحدثت الراقصة صافيناز عن خوفها من الموت، مؤكدة أن أفضل شيء للإنسان أن يصلي قبل وفاته، كما كشفت إمكانية اعتزالها الرقص.
تصريحات الراقصة صافيناز
وقالت صافيناز في لقاء تلفزيوني مع الإعلامي نزار الفارس: بقول يا رب قبل ما أرقص عشان مموتش على المسرح وربنا بيديني طاقة أرقص، والبعض بيقول المجتمع العربي بيرفض الرقص، طب ليه محدش بيعمل فرحه من غير راقصة؟
وأضافت صافيناز: أحسن شيء يحصل للبني آدم يكون عنده فرصة قبل ما يموت يصلي حتى لو عشر دقايق، وربنا عارف إني بحب الرقص ودي مشكلة حياتي وطول ما فيا صحة هرقص ولو سبته هرجع له.
وعن بداية حبها للرقص، قالت: أنا درست التمثيل والرقص ومثلت من وأنا 14 سنة وكنت بطلة فيلم وأنا 16 سنة برا مصر، ومن وأنا سنتين ونص دخلت فيلم هندي عن الرقص فقط ومن ساعتها وأنا قررت أكون فنانة.
واستكملت صافيناز حديثها: روحت مصر 2011 وقبل كده كنت متجوزة واحد أردني في شرم الشيخ وعشت فيها 4 سنين، وصاحب زوجي ساعدني أكون راقصة، والآن أنا راضية عن مكانتي واسمي الفني جدًا.
وتحدثت صافيناز عن تغير شخصيتها بعد الشهرة، قائلة: الشهرة بتغير البني آدم ولكن أنا اتغيرت للأحسن وقبل الشهرة كنت شديدة ومش بتكلم مع الناس ولا بسلم عليهم، إنما الشهرة خلتني أحب الكل حتى لو حد مش بيحبني مش مهم.
