شاب ينقذ قطة من تحت قضبان المترو: تعرضت للصعق الكهربائي عدة مرات.. وخدتها البيت عندي
تداول مستخدمو مواقع التواصل الاجتماعي، صورا لشاب يدعى جورج وهو يحمل قطة صغيرة في إحدى محطات مترو الأنفاق، بعد أن أنقذها من تحت عجلات المترو، ولم يتوقف عند هذا الموقف بل اصطحب القطة معه إلى المنزل لرعايتها.
جورج ينقذ قطة من تحت قضبان المترو
قال الشاب جورج الضيف لـ القاهرة 24: أنا صياد من جمعية الرفق بالحيوان، القطة دي بقالها كتير تحت قضبان المترو، ولقيت ناس كتير مشيراها وعملالي منشن، قررت أروح أنقذها واستنينا لما المترو يقفل وفصلوا الكهرباء الساعة 1 بليل.
وأضاف جورج: رحت عشان أنقذها لقيت الحماية الميدانية هناك، وكانت موفرة كل حاجة ليا ومتعاونين جدًا، وهما حاولوا ينقذوها بس معرفوش علشان هما ميقدروش يتعاملوا معاها، وأنا صياد كلاب وقطط تبع الرفق بالحيوان، فتعاملت مع القطة، واصطحبتها معايا البيت، ولو أي صياد أو حد راح ينقذها كان طلب على الأقل طلب 700 جنيه، أنا عملت ده تطوعًا، وأنا متعود أعمل كده كتير.
وأوضح جورج: القطة قد تعرضت للصعق عدة مرات، وهي حاليًا عندي في البيت، والحمد لله هي كويسة، ودلوقتي في العيادة تحت الرعاية الطبية.
والجدير بالذكر أنه بعد انتشار صور جورج على فيسبوك، انتقده عدد كبير من الناس بسبب اصطحاب القطة إلى منزله، موضحين أن أم القطة مازلت هناك في محطة المترو، ولكن جورج أوضح أن هذا الكلام غير صحيح، فالقطة كانت بمفردها هناك.
