بعد كشف صلة القرابة بينهما.. أحمد خالد صالح: مبسوط بنجاح أحمد فهيم ومش هنعرف نمشي معاه بعد كده
أعرب الفنان أحمد خالد صالح، عن سعادته البالغة، بالنجاح الذي حققه الفنان أحمد فهيم، من خلال مسلسل جعفر العمدة، وذلك بعدما كشف الأخير صلة القرابة التي تجمعه بالفنان خالد صالح.
وقال أحمد خالد صالح، خلال لقائه مع برنامج ET بالعربي: حبيبي مبسوطله جدًا وبدعيله كتير ربنا يثبته ويزيده ويكتبله اللي فيه الخير، وإن اللي جاي إن شاء الله يبقى أحلى، لأن مفيش سقف ودي حاجة أنا واثق إن فهيم بيفكر فيها.
وتابع: وإن دايما النقطة اللي بنوصلها بتبقى نقطة بداية لـ اللي بعده عشان كده دايما اللي جاي هو اللي أهم، ونفسي آخده وننزل نتمشي في الشارع، وواثق إننا مش هنعرف نمشي جنبه بعد كده خلاص.
صلة القرابة بين الراحل خالد صالح وأحمد فهيم
وسبق، كشف أحمد فهيم، أن هناك صلة قرابة تجمع بينه وبين الفنان الراحل خالد صالح، مشيرًا إلى أنه خاله، وأكد أنه ساعده كثيرا خلال مشواره الفني، وأضاف في تصريحات تليفزيونية سابقة: بحس إنه معايا وبيتفرج عليّ وأنا بمثل، وأنا متأكد إنه شايفني وحاسس بيا.
مسلسل جعفر العمدة
شارك في بطولة مسلسل جعفر العمدة، عدد من الفنانين، إلى جانب الفنان محمد رمضان، أبرزهم الفنانة هالة صدقي، زينة، مي كساب، منة فضالي، أحمد داش، أحمد فهيم، إيمان العاصي، دعاء حكم، جوري بكر، عصام السقا، وآخرون، ومن تأليف وإخراج محمد سامي.
