اتظلمت وربنا أظهر الحق.. وفاء مكي عن قضية تعذيب الخادمتين: والدهم هتك عرضهم
كشفت الفنانة وفاء مكي عن تفاصيل جديدة في أزمتها مع الخادمتين، كما أكدت أنها ظُلمت ولكن الله أظهر براءتها في الوقت المناسب.
وقالت وفاء مكي، خلال لقائها مع القاهرة 24: هو أنا لو هعذب حد المفروض أحبسه مش هخلي حد يشوفها ولو حد قال إنه شافني بعذب يبقى مشترك معايا، طلعت قلت مش لاقية أكل ومتكسفتش والحققية ظهرت عشان يجيلي حقي من اللي قالوا إني مش لاقية وأستاهل بسبب اللي عملته.
وتابعت وفاء مكي: مفيش هتك عرض ووالدهم لما عرى بناته هتك عرضهم وكانوا بيملّوها الكلام لو أنا وحشة هيجبولي بنتين يشتغلوا معايا ليه؟ وكنت تايهة ومعرفتش الخبطة جاتلي منين، وقلت أتحبس ولا هديها الشقة لإني تعبت وشقيت وجبتها بفلوسي.
وفاء مكي: ميار الببلاوي عرفت الحقيقة من 23 سنة
وكانت كشفت وفاء مكي تفاصيل علاقة ميار الببلاوي، خلال مؤتمرها الصحفي، قائلة: ميار الببلاوي عرفت الحقيقة من 23 سنة وكانت بتقولي هشهد معاكي، ولكنها فجأة اختفت وبقيت أحاول أوصلها ومعرفتش وبقت تتقطع من جواها.
وفاء مكي: ميار الببلاوي جوزها سفرها برا مصر 7 شهور لحد ما القضية خلصت
وتابعت وفاء مكي: ميار الببلاوي جوزها سفرها برا مصر 7 شهور لحد ما القضية خلصت ورغم كدا اتطلقت بعدها بسنتين، ودلوقتي بعد ما ميار اعترفت بيومين غيرت كلامها تاني، ومع الأسف أنا معنديش شهود في القضية.
