حاتم صلاح: كنت قلقان من دور الشرير بمسلسل الصفارة.. ولم أتزوج بسبب الفن
كشف الفنان حاتم صلاح عن قلقه الشديد قبل مشاركته في مسلسل الصفارة، كما أشار إلى أنه لم يتزوج إلى الآن بسبب الفن.
وقال الفنان حاتم صلاح، خلال تصريحات تليفزيونية: كنت قلقان لما الأستاذ أحمد أمين كلمني، لإن الدور المفروض شرير وبيضحك في نفس الوقت.
وتابع حاتم صلاح: أصبت بدور حساسية على الصدر قبل المسلسل بيومين، وكلمتهم أعتذر وقالوا لي لأ روح لدكتور، والدكتور قال لي لازم راحة 14 يوم على الأقل، وكلمت الأستاذ أحمد أمين قالي هاخدك معايا حتى لو بتطلع بضهرك وده طمني جدا، ومن أحلى المشاهد اللي عملتها في مسلسل الصفارة وبضحك عليها جدا هو مشهد تاجر الآثار، ومشهدي أنا وطه في صالة البلياردو.
وأضاف حاتم صلاح: كان هناك خروج عن النص في الصفارة بس مش زي مسلسل الكبير أوي، وكنا بنغير اللازمة كل حلقة.
حاتم صلاح: اشتغلت في شركة تأمين وشغلانات صعبة
وعن عدم زواجه إلى الآن، قال حاتم صلاح: لم أتزوج بسبب الفن وأجلت مشروع الزواج حتى أقف على أرض ثابتة في الفن، وأنا لفيت على مكاتب الكاستينج كتير، واشتغلت في الأول بشركة تأمين وشركة شحن جوي وبحري وشركة سيلز وشغلانات صعبة عديدة، أنا بدأت من تحت، وشوفت حاجة للأستاذ نور الشريف بيقول إنه أنتج لمخرجين صغيرين زي محمد خان.
