تلميذة المرج في التحقيقات: اتحايل عليا عشان أدخل شقته وبعدها هتك عرضي | خاص
حجزت محكمة جنايات القاهرة، جلسة الحكم على السائق المتهم بـ هتك عرض تلميذة المرج، بعد استدراجها إلى مسكنه الكائن بمنطقة المرج بالقاهرة، والتعدي عليها وهتك عرضها بالقوة، لجلسة 14 يونيو المقبل للنطق بالحكم.
هتك عرض تلميذة المرج
حصل القاهرة 24 على التحقيقات في قضية هتك عرض طفلة المرج، واستمعت جهات التحقيق بالقاهرة، لشهادة المجني عليها تلميذة المرج، وجاءت أقوالها كالآتي:
اللي حصل إن أنا كنت خارجة أجيب طماطم، وأنا نازلة على السلم لقيته واقف عند الباب، وقالي تعالي معايا جوه ولما دخلت جوه قالي ادخلي الأوضة وشاور عليها ودخلتها، وبعديها حسر عني هدومي وعملي حاجات وحشة وبعد كدة طلعت من عنده وطلعت البيت ورحت حكيت لماما على اللي حصل، وراحت ماما أخدتني للمستشفى وبعد كده عملناله محضر.
وأضافت تلميذة المرج في التحقيقات: أنا كنت بروح المدرسة بس بطلت أروحها عشان أنا كنت عاملة عملية قلب مفتوح، وكنت تعبانة ومبقتش أروح، وأنا عايشة مع ماما واخواتي، وبابا قاعد في الشقة في الدور الـ 12، وأنا معظم الوقت قاعدة عند جدتي في نفس العمارة في الدور الرابع وأنا أصغر واحدة فيهم.
وتابعت تلميذة المرج أمام رجال التحقيق عن كيفية حدوث الواقعة: المتهم كان فاتح الباب وقالي تعالي ادخلي الشقة وبعديها قالي تعالي ادخلي الأوضة، وأنا كنت رايحة اشتري طماطم، من راجل بتاع خضار جنب البيت، وهو قريب مش بمشي كتير ده حوالي 5 دقايق، وأنا متعودة أنزل أجيب خضار عشان اخواتي بيكسلوا وأنا بنزل أشتري الحاجات، وعشان ماما بتكون تعبانة وبابا بيكون في الشغل.
وأكملت: في يوم الواقعة أنا كنت لابسة نفس اللبس ده إسدال لونه أصفر وطرحة وتحته بنطلون أسود قطن، وأنا اتقابلت مع المتهم وأنا نازلة من على السلم هو كان واقف عند الباب وقالي تعالي ادخلي وأنا دخلت، ومش متعودة أدخل بيت حد غريب، وفي الأول أنا قلتله لا، وهو قعد يتحايل عليا وراح مسكني من إيدي ودخلني.
