لوسي: ابني مبيعرفش يقول لفظ خارج.. ربيته على الصراحة وعدم الكذب
تحدثت الفنانة لوسي، عن الطريقة التي تتبعها في تربيتها لابنها، مشيرةً إلى أنها لا تلبي له طلباته على الفور، حتى يشعر بالمسئولية هذا بجانب حثها الدائم له على عدم الكذب، وقول الصدق مهما كلفه الأمر.
وقالت لوسي خلال ندوتها في القاهرة 24: أنا وسلطان الكاشف جوزي ربينا ابننا على الصراحة وعدم الكذب، بس بدون تجريح، وعودناه على ده من خلال معاملتنا معاه من وهو صغير، عشان من شب على شيء شاب عليه.
وتابعت: فمثلا لو وعدناه بحاجة أو سفرية، ولظروف معينة معرفناش ننفذ ده، بنقنعه بالراحة وبصراحة إحنا ليه مش هنعمل ده، ولما طلب مني أجيبله كلب، جبتله فعلا، بس عودته هو اللي ياخد باله منه ويراعيه، ولما بيهمله بقوله هاخده منك وده عشان يتعلم المسؤولية.
وأضافت لوسي، أن نجلها لا يتلفظ بأي لفظ خارج، قائلة: ابني مش بيعرف يقول غير ألفاظ نضيفة، وده متعود عليه من وهو صغير، ومش بقول إني ست فاضلة عشان بعمل كدة، بس على الأقل أنا وجوزي حبينا نربي شاب ينفع مجتمعه، وينفع أبوه وأمه لما يكبر.
آخر أعمال لوسي
على الجانب المهني، شاركت الفنانة لوسي في موسم رمضان الماضي 2023، من خلال مسلسل المداح 3، بطولة الفنان حمادة هلال، ومجموعة كبيرة من الفنانين، أبزرهم الفنانة رانيا فريد شوقي، يسرا اللوزي، خالد سرحان، هبة مجدي، محمد رياض، دنيا عبد العزيز، وآخرون.
