رانيا يوسف: قصيت شعري عشان أعرف أخد قرار الطلاق.. وبدلع الراجل بطريقتي
كشفت الفنانة رانيا يوسف، عدد زيجاتها، مشيرة إلى أن زواجها من المنتج محمد مختار كان الأنجح بين الثلاث زيجات، بالإضافة إلى حديثها عن بنتيها، التي أوضحت أنهما يشجعانها دائما على قرار الزواج للمرة الرابعة.
ونستعرض في السطور التالية أبرز تصريحات رانيا يوسف في لقاء تلفزيوني
-اتجوزت 3 مرات وأول زيجة هي الأنجح بالنسبالي والباقيين مكنوش ناجحين.
-لسه عندي أمل في الزواج تاني وبناتي مشجعني على التجربة.
-علاقتي بـ أبو بناتي مش كويسة خالص وكنت أتمنى إننا نفضل صحاب.
-وارد أحب حبيب صاحبتي السابق لو هما منفصلين بقالهم فترة طويلة معنديش مشكلة.
-لو رايحة معاد مع شخص، بناتي هما اللي بيختاروا لبسي وهما شوية متفتحين في اللبس.
-أنا بحب ألبس اللي يليق عليا سواء قصير أو طويل أو مفتوح أو مقفول على حسب.
-زيجتي التانية كان قرار غلط ومع الشخص غير مناسب وزيجتي التالتة كان تحت ضغط ولادي وولاده.
-الرجالة المفروض تدلع الستات مش العكس وأنا بدلع الراجل بطريقتي.
-قرار طلاقي كان صعب وقصيت شعري عشان أعرف أخده.
خلاف رانيا يوسف وطليقها المنتج محمد مختار
على جانب آخر، سبق ونشب خلاف متبادل بين رانيا يوسف، وطليقها المنتج محمد مختار، بعد تصريحات الأخير التليفزيونية، الذي أكد من خلالها أنه ملتزم بسداد مصروفات بناته ويرسل لها الآلاف من الجنيهات شهريًا.
وردت عليه رانيا يوسف، من خلال حسابها الرسمي بموقع انستجرام، قائلة: الحقيقة أنا مقامي أكبر من أن الواحد يرد على واحد زيك، لطيف أن الواحد يكذب ويصدق نفسه، طول عمرك ممثل فاشل، واللي بعتاك تقول الكلام ده أفشل منك.
وضمن تصريحات محمد مختار التليفزيونية، أكد أنهما كانا اتفقا في بند موثق، على عدم الحديث عن حياتهما الشخصية في الملأ، وقال: أنا على مدار 5 سنين مردتش على رانيا يوسف ولكن الموضوع زاد، وأنا اديتها كل حاجة أعمل إيه تاني، كل اللي أتطلب مني دفعته، وبحولها الفلوس كل شهر، قبل القضايا وبعدها، وعملنا بند عند المحامي فريد الديب إننا منتكلمش عن حياتنا الشخصية، اللي اتقال عليا كتير وعمري ما اتكلمت.
