محمود حميدة يهاجم محمد رمضان: خالف شروط العقد بيننا.. ومين هيعوضني؟
أعرب الفنان محمود حميدة عن استيائه الشديد من مخالفة الفنان محمد رمضان، عقده في فيلم هارلي الذي يعرض الآن بجميع دور العرض السينمائي، وفق قوله.
وقال الفنان محمود حميدة خلال لقائه مع القاهرة 24: ضايقتني مخالفة محمد رمضان للعقد، لأنه إذا غاب القانون يبقى ده أمر خطير، لأن المسألة كلها تعاقد وعلى أساسها ناخد الأجر ولو الممثل عطل عمل المنتج لازم يعوضه، ولكن لما المنتج يقصر في مسئوليته مين هيعوضني؟.
وتابع الفنان محمود حميدة: مش بحب أشخصن الخلافات لأنها مش خناقة شخصية، إنما ده قانون الصناعة والموضوع في النقابة والنقيب مهتم والعقود يجب أن تراعى لأنها تحفظ الحقوق.
أزمة محمود حميدة في فيلم هارلي
وكان علق الفنان محمود حميدة على أزمة فيلم هارلي، خلال تصريحات لبرنامج ذا إنسايدر بالعربي، قائلًا: سبب يبدو غير معقول، لكن بالنسبة لي كان معقول، محمد رمضان دعاني للعمل واللي شرحلي الفيلم محمد سامي، وأعجبت بجرأة محمد رمضان إنه يصور في رمضان ويتعرض في العيد، وإنه شايف حاجة وراء هذا التعاون، والعمل كان بيتكتب على الهوا ودي كانت مغامرة كبيرة جدًا، والدافع في البداية إني أساعده، ودي حاجة عمري ما عملتها قبل كده.
وتابع الفنان محمود حميدة: إيمان بنتي قالتلي وهي بتتفاوض على الفيلم إن اللي بيتفاوض معاها قالها إنه وكيل محمد رمضان، ورمضان قالوا أعملوا للأستاذ محمود حميدة اللي هو عايزه.
