علا غانم بعد أزمتها مع زوجها: هصور حريم كريم 2.. وهبدأ من الصفر وربنا مش هيخذلني
قالت الفنانة علا غانم، إنها ستبدأ تصوير فيلمها الجديد حريم كريم 2 يوم الأربعاء المقبل، مؤكدة أنها ستعوض كل شيء بعد أزمتها مع زوجها ورفعها قضية خلع ضده.
وأوضحت علا غانم لـ القاهرة 24، قائلة: أول يوم تصوير لها في حريم كريم 2 الأربعاء المقبل، وهعوض كل حاجة وهكون أحسن من الأول.. وبرضه حقي هيرجع مش هسيبه.
علا غانم: هرجع لحياتي وهبدأ من نقطة الصفر
وأكدت علا غانم أنها ستستأنف حياتها من جديد بعد أزمتها مع زوجها التي أثارت ضجة كبيرة خلال الفترة الماضية، مضيفة: “ببدأ من الصفر واللي وصلت له هوصل له تاني”.
وتابعت علا غانم حديثها: أنا واقفة على رجلي ومش ضعيفة والقوة دي اللي بيمدني بيها ربنا، وإيماني به وثقتي في أن ربنا لا يمكن يخذلني لأني تحت الظلم والسلب والنهب وبتسلب من كل الأشياء، ومحاطة بمجتمع رجولي بحت، وجوزي وعدني لو سبته هيسلبني من كل حاجة وهو ده اللي بيعمله.
وأشارت علا غانم إلى أنها ما زالت خارج منزلها حتى الآن منذ أزمتها مع زوجها ورفع قضية خلع ضده قائلة: لحد دلوقتي أنا بره بيتي وداخله في الخمس شهور، وثقتي في ربنا والقضاء، وحسبي الله ونعم الوكيل في كل واحد ياخد شقى ست عايشين جوه بيتي وبينهشوا في هدومي ودهبي وكل حاجة، أنا فيه ناس غُرب جوه بيتي.
وواصلت علا غانم مستنكرة: الدنيا اتقلبت علشان شاكوش طرد مراته من شقتها وخد شبكتها، وسرق وصل أمانة.. طيب واللي اتسرق منها كل حاجاتها عادي وشقى عمرها عادي.. هل ده منطقي؟.
